Posted on

Nakapagtala ng 14 na panibagong kaso ng coronavirus disease 2019 (COVID-19) ang Mainland China.

Batay sa pinaka huling ulat ng Chinese Health Commission, naitala ang siyam sa mga panibagong kaso ng COVID-19 mula sa kanlurang bahagi ng Xin Jiang, habang ang limang iba pa ay itinuturing na imported cases.

Sa ngayon, nasa 83, 707 na ang bilang ng kaso ng COVID-19 sa China, kung saan nasa 4,634 ang bilang ng mga nasawi.

Categories
Posted on

Mahigit 300 ang bagong naitalang kaso ng Coronavirus Disease o COVID-19 sa Singapore

Batay sa anunsiyo, sinabi ng Ministry of Health sa Singapore na nakapagtala ng karagdagang 310 na kaso hanggang 12:00, Miyerkules ng tanghali (July 22).

Karamihan anila sa mga bagong kaso ay Work Permit holders na nakatira sa foreign worker dormitories.

Maliban dito, mayroon ding anim na imported case na inilagay sa Stay-Home Notice o isolation pagkadating sa Singapore.

Sa ngayon, inaayos pa anila ang karagdagan pang detalye sa mga bagong kaso.

Sa kabuuan, pumalo na sa 48,744 ang confirmed COVID-19 cases sa Singapore.

Categories
Posted on

Sinuspinde ng pamahalaan United Kingdom ang implementasyon ng kanilang extradition treaty sa Hong Kong.

Ito ay bilang pagpapakita ng protesta sa kontrobersyal na bagong security law ng China sa Hong Kong.

Ang aksyon ay kinumpirma mismo ni British Foreign Secretary Dominic Raab sa kabila ng mga babala kaugnay ng posibilidad na paghihiganti ng China.

Inanunsyo rin ni Raab ang pagpapalawig hanggang sa Hong Kong ng umiiral na ban ng pagpapasok ng mga armas na tatlong dekada nang umiiral sa mainland China.

Magugunitang nagkalamat ang diplomatic relation ng China at UK bunsod ng bagong security law na itinuturing ng mga western countries bilang pagguho sa kalayaan ng mga mamamayan at human rights sa Hong Kong.

Categories
Posted on

Napagkasunduan na ng mga European leaders ang pagbuo ng recovery fund na nagkakahalaga ng kabuaang $858-bilyong para sa muling pagbuhay ng ekonomiya ng mga bansang miyembro ng European Union (EU) na pawang naapektuhan ng coronavirus disease 2019 (COVID-19) crisis

Batay sa mga ulat, hihiram ang pamunuan ng European Commission sa financial markets, habang ipamamahagi naman ang kalahati nito sa mga bansang miyembro ng EU na napuruhan ng nakamamatay na virus.

Ayon sa pamunuan ng EU, ang naturang pondo ay ilalaan sa pagtulong sa muling pagbabalik operasyon ng mga negosyo, reporma sa ekonomiya, at investment kontra sa mga paparating pang mga krisis.

Kasunod nito, ayon sa presidente ng European Council na si Charles Michel, ang naturang hakbang ng pamunuan ay para sa ikabubuti ng bawat miyembro, at ang muling pagbangon ng mga ekonomiya nito.

Categories
Posted on

Pinangangambahang ma-bankrupt ang Overseas Workers Welfare Administration (OWWA)

Pinangangambahang ma-bankrupt ang Overseas Workers Welfare Administration (OWWA) sa susunod na taon kapag nagtuluy-tuloy pa ang coronavirus disease 2019 (COVID-19) pandemic.

Ipinabatid ito ni OWWA Administrator Hans Leo Cacdac sa kanyang pagharap sa hearing ng senate committee on labor dahil posible aniyang wala nang P1-bilyon ang matira sa trust fund ng ahensya sa pagtatapos ng 2021.

Sinabi pa ni Cacdac na mahigit sa P19-bilyon ang pera ng OWWA sa pagsisimula ng taon subalit napakalaki na ng nabawas dahil sa assistance na ibinibigay sa mga Overseas Filipino Workers (OFWs) na nawalan ng trabaho o kaya ay na-istranded sa ibang bansa.

Bumagsak na rin anya ng mahigit sa 46% ang koleksyon ng ahensya kaya’t hindi na ito halos nadadagdagan.

Ayon kay Cacdac, simula lamang noong ika-15 ng Marso ay mahigit na sa P1-bilyon ang nagamit ng ahensya para sa pagkain, accommodation, shelter, at transportation assistance sa mga OFWs.

Inihayag ni Cacdac na malaking bahagi nito ang nagamit sa mga hotels na nagsilbing quarantine area para sa mga umuwing OFWs at sa mga susunod na araw ay kailangan na rin nilang maglabas ng pondo para sa cash subsidy at scholarship ng mga anak ng mga OFWs na nawalan ng trabaho.

Categories
Posted on

Sinuspinde na ni North Korean Leader Kim Jong Un ang plano nitong military action laban sa South Korea.

Sinuspinde na ni North Korean Leader Kim Jong Un ang plano nitong military action laban sa South Korea.

Batay sa inilabas na ulat ng North Korea state-run media na Rodong Sinmun, napagdesisyunan ito ni Kim Jong Un habang isinasagawa ang preliminary teleconference meeting kasama ang central military commission.

Pinag-aralan kasi ng central military commission ang kasalukuyang sitwasyon ng dalawang bansa kung kaya’t sinuspinde na ni Kim ang military action plan laban sa South na pinaplantsa ng Korean People’s Army.

Matatandaan kasing nagpalipad ng mga lobo ang mga taga-South Korea sa North na mayroong leaflets na puno na kritisismo laban kay Kim Jong Un.

Samantala, hindi naman nilinaw ng dahilan sa likod ng tuluyang pagpapatigil sa military action plan ng North laban sa South Korea.

Categories
Posted on

Inaasahang papalo pa sa 10-milyon ang bilang ng kaso ng coronavirus disease 2019 (COVID-19) sa buong mundo

Muling nagpatupad ng oil price hike ang mga kompanya ng langis sa bansa sa kanilang mga produktong petrolyo ngayong umaga.

Pinangunahan kahapon ng kompanyang Flying V at Petron Corporation ang dagdag presyo na P0.35 kada litro sa gasoline at tig-P0.20 kada litro ng diesel at kerosene na epektibo ngayon alas-sais ng umaga.

Sumunod naman ang kompanyang Pilipinas Shell, Phoenix Petroleum Philippines, PTT, Eastern Petroleum at iba pang kompanya ng langis sa pagpapatupad ng dagdag-presyo sa kahalintulad na halaga na epektibo rin ngayong umaga.

Inaasahan naman na susunod maglabas ng anunsiyo ang iba pang kompanya ng langis sa bansa sa pagpapatupad ng dagdag presyo sa kanilang mga produktong petrolyo sa kahalintulad na halaga.

Ang ipinatupad na oil price hike ay bunsod sa patuloy na paggalaw ng presyuhan nito sa pandaigdigang pamilihan.

Base sa report ngayong buwan ng Agosto ay panglimang beses na nagpatupad ng pagtataas sa presyo ng mga produktong petrolyo ang mga kompanya ng langis.

Categories
Posted on

Russia – Bawal na ang open-air drinking party sakaling matapos na ang FIFA World Cup tournament

Russia – Bawal na ang open-air drinking party sakaling matapos na ang FIFA World Cup tournament.

Hindi na pwedeng uminom sa publiko ang mga Russians pagkatapos mismo ng World Cup dahil nakita umano na nagbubulag-bulagan ang law enforcement officials sa violations ng public drinking ban.

Maaari pa namang uminom at magsaya sa pampublikong lugar sa Russia ngayon kasabay ng kabi-kabilaang selebrasyon ng mga football fans para sa sinusuportahang koponan sa World Cup na pasok na sa quarterfinals.

Categories
Posted on

Southern France – isang Chinese business tycoon ang nasawi matapos mahulog sa isang gusali

Southern France – isang Chinese business tycoon ang nasawi matapos mahulog sa isang gusali .

Ang 57-anyos na si Wang Jian ay nasa business trip sa France at ng ito ay kumukuha ng larawan ay bigla na lamang itong nahulog.

Ayon sa kapulisan, nakatayo sa dulo ng isang gusali at habang kinukuhanan ng larawan ang kaniyang pamilya ay nahulog ito.

Walang nakitang anumang ‘foul play’ ang mga otoridad dahil maraming katao ang nakasaksi sa insidente.

Si Jian ay bigboss ng kumpanyang HNA Group sa China.

Categories
Posted on

Malaysia – Inaresto ng mga anti-corruption authorities si dating prime minister Najib Razak.

Malaysia – Inaresto ng mga anti-corruption authorities  si dating prime minister Najib Razak.

Ito ay dahil sa alegasyon ng kurapsyon sa pagbulsa ng $700 million na pondo ng gobyerno.

Sinimulan itong imbestigahan matapos na matalo sa halalan na ginanap noong Mayo.

Nakatakda itong sampahan ng kaso sa Kuala Lumpur High Court.

Categories