Posted on

Isang dispatser ang pinatay ng hindi pa kilalang suspek sa araw ng kanyang birthday kahapon ng umaga sa Tahimik Drive, Bangkal,Davao City

Davao City – Isang dispatser ang pinatay ng hindi pa kilalang suspek sa araw ng kanyang birthday kahapon ng umaga sa Tahimik Drive, Bangkal,Davao City.

Nakilala ang biktima nasi Jomart Colina Poral, 25-anyos, construction worker at dispatser, residente ng Purok 14, Crossing Ulas, Barangay Talomo Proper.

Nabatid sa imbestigasyon ng pulisya naganap ang pamamaril habang sakay ng jeep ang biktima kasama ang maraming mga pasahero.

Matapos paputukan ng maraming beses at nakumpirmang napatay ang biktima tumakas ang mga suspek sakay ng motorsiklo.

Ayon kay Talomo Police Station Chief, Chief Inspector Ronald Lao, batay sa kanilang record baliban sa maoy ang biktima nasangkot din ito sa kaso ng Akyat-Bahay at physical injury.

Categories
Posted on

Isang bilango na may kasong rape ang nagpakamatay matapos humingi ng tawad sa kanyang biktima

Maasim SArangani Province- Isang bilango na may kasong rape ang nagpakamatay matapos humingi ng tawad sa kanyang biktima.

Ayon kay Police Chief Insp. Nestor Calipho, batay sa suicide note ni Usman Undong Andam, 55-anyos, taga-brgy. Lumatil, nagsisisi na ito sa kanyang ginawang panggagahasa sa kanyang stepdaughter.

Kamakalawa ng madaling araw nagulat na lamang ang mga kasamahan nito na nakabitin na gamit ang malong sa loob ng kanilang selda ang suspek.

Hindi umano napansin ng mga kasamahan nito ang pagpapakamatay dahil tulog sila ng isigawa ng suspek ang pagbitin sa kanyang sasrili.

Categories
Posted on

Lima na ang nasawi at walo ang nasugatan sa panibagong labanan ng tropa ng militar at mga kasapi ng bangsamoro islamic freedom fighters o BIFF sa lalawigan ng Maguindanao.

Datu Paglas, Maguindanao – Lima ang nasawi at walo naman ang nasugatan matapos ang dalawang magkakahiwalay na bakbakan sa pagitan ng mga sundalo ng pamahalaan at mga kasapi ng Bangsamoro Islamic Freedom Fighters (BIFF) sa munisipyo ng Datu Paglas at Shariff Saydona Mustapha kahapon at kamakalawa.

Ayon sa pamunuan ng 6th ID Phil. Army kabilang sa mga napatay ang isang sundalo at limang kasapi ng BIFF, anim na mga sundalo naman ang nasugatan at dalawa sa BIFF.

Gumamit ng Air at Ground Assault ang tropa ng pamahalaan para maitaboy ang sumalakay na mga rebelde.

Unang tinangkang pasukin ng mga ito ang bayan ng Datu Paglas na tumagal ng mahigit siyam na oras ang bakbakan ng lusubin ni grupo ni Sulaiman Tudon at inukupa ang bahay ng mga sibilyan sa Sitio Mopac, Brgy. Poblacion.

Dalawang miyembro ng 33rd IB na sina Cpl. Millard Bacatan at Private Allan Cabildo at ang CAFGU na si Musa Kalim an g nasugatan.

Sugatan din sa engkuwentro ang dalawang miyembro ng BIFF na sina alyas Awil at Gadoh, pawang tauhan umano ni Sulaiman Tudon.

Ang labanan ay nagdukot rin ng pagkikas nang mahigit limang daang mga residente ng bayan ng Datu Paglas.

Samantalang sa ikalawang enkwentro tropa naman ng 57th IB ang nakasagupa ng BIFF sa Barangay Pamalian, Shariff Saydona Mustapha bandang 3:30 ng umaga kahapon kung saan isang sundalo ang napatay at isa ang nasugatan.

Categories
Posted on

(BIFF-ISIS Inspired Group) ang itinurong nagtanim ng dalawang Improvised Explosive Device (IED)

Timbangan Shariff Aguak Maguindanao.- Grupo ng Bangsamoro Islamic Freedom Fighters (BIFF-ISIS Inspired Group)ang itinurong nagtanim ng dalawang Improvised Explosive Device (IED) na sumabog malapit sa isang detachment ng 57th Infantry Battalion Philippine Army kamakalawa.

Ayon kay 6th Infantry (Kampilan) Division Spokesman,Captain Arvin Encinas, Wala namang nasugatan sa pagsabog ngunit nagdulot ito ng takot sa mga sibilyan.

Ang IED na gawa sa dalawang bala ng 60 mm mortar na nilagyan pa ng pako,9 volts battery,blasting cap at cellphone bilang triggering mechanism ay sumabog sa gilid ng kalsada.

Posibling target ng bomba ang convoy ng mga sundalo,pulis at mga lokal opisyal.

Sa ngayon ay nagpapatuloy ang pagtugis ng militar sa mga kasapi ng BIFF sa lalawigan.

Categories
Posted on

Davao City – Napatay kahapon ng mga pulis ang isang notadong drug pusher

Davao City- Napatay kahapon ng mga pulis ang isang notadong drug pusher matapos manlaban umano sa isinagawang drug bust alas 12:35 ng hating gabi kahapon Zuno Street, Barangay Ubalde, R. Castillo Street.

Kinilala ang napatay nasi Melvin Olea Iyo, 18, traysikad drayber at residente ng nasabing barangay.

Bigla umanong nanlaban si Iyo nang ito’y huhulihin ng mga pulis matapos nabilhan ng ilang gramo ng ipinagbabawal na gamot.

Nakuha sa kanyang posisyon ang ilang gramo ng marijuana at ang .38 caliber revolver.

Samantala nadakip nama ng mga tauhan ng Philippine Drug Enforcement Agency – XI at Talomo Police Station ang isang kawani ng city hall na si Jayson Jocoy Bendoy, 35 isang Civil Security Unit at kasintahan nitong si Razil Gabia Manlapaz, 29.

Mahigit kumulang P30,000. halaga ng shabu ang nakuha mula sa kanila sa isinagawang operasyon sa isang hotel sa Cabaguio Area.

Sa isa pang operasyon nadakip din sa bahagi ng Queens Avenue, Royal Valley, Bangkal, ang isa pang suspected drug pusher na si Russel Sangalang Arias, 42 anyos, malaking halag ng shabu ang narecover sa suspek.

Ngayong araw nakatakdang isampa ang kasong palabag sa RA 9165 o Comprehensive Dangerous Drug Act of 2002 ang isasampa laban sa kanila.

Categories
Posted on

Gumagalang aswang na nambibiktima ng mga alagang hayop sa isang bayan sa lalawigan ng Maguindanao ikinatakot ng mga residente.

Datu Odin Sinsuat sa Maguindanao – Binalot ng matinding Takot ang mga residente sa isang barangay dahil sa umanoy pang-aatake ng pinaniniwalaang aswang.

Ayon sa mga residente sa pagkagat ng dilim, napapansin nila ang hindi maipaliwanag na uri ng nilalang.

Ilang mga residente ang nagkwento ng karanasan na sa tuwing  naririnig nila ang ingay sa bubongan ng kanilang bahay ay sinasabayan ito ng malakas na hangin.

Dahil sa takot, Naglalagay at nagsasabit sa kanilang mga tahanan ang mga residente ng mga matutulis na kawayan at bawang na pinaniniwalaang pangontra sa aswang.

Mas lalong natakot ang mga residente dahil ilang alagang hayop na ang inatake.

Kabilang dito ang isang kambing na natagpuan ng mga residente na wakwak ang tiyan wala na ang mga laman loob nito at sinipsip ang dugo.

Categories
Posted on

Malakas na pagyanig naramdaman kahapon sa ibat-ibang panig ng Mindanao. Mga residente natakot

Glan, Sarangani – Niyanig  ng 5.8 magnitude na lindol ang lalawigan ng Saranggani pasado alas saes kagabi na nagdulot  ng matinding takot sa mga residente.

Ayon sa Philippine Institute of Volcanology and Seismology (Phivolcs) Ito ang pangalawang malakas na lindol na tumama sa bansa kahapon.

Naitala ng Philvocs ang sentro ng lindol sa apat na kilometro silangan ng bayan ng Glan ganap na alas-sais ng gabi.

May lalim na 95 kilometro ang lindol na tectonic ang origin.

Naramdaman ang Intensity IV sa lungsod ng Mati, Davao Oriental at Davao City, habang nakapagtala naman ng instrumental intensity V sa General Santos City at sa bayan ng Alabel sa Sarangani.

Nabulabog ang mga residente ng General Santos City sa nangayaring pagyanig Ramdam na ramdam umano ng mga tao ang malakas na pag-uga ng lupa, na nagresulta pa ng biglang pagpatay-sindi ng mga ilaw sa ilang mga kabahayan at establisyimento.

Habang ang mga nasa malapit sa dagat, ay napatanaw na lang sa dagat kasabay ng pagyanig.

Nagsilabasan naman ang mga tao sa mga malls, pati na ang mga estudyante sa mga kolehiyo sa lungsod.

Ilang mga residente din ang nakaramdam ng bahagyang pagkahilo dahil sa lindol na tumagal ng halos kalahating minuto.

Nataranta rin ang ilang mga pasyente sa mga pagamutan, lalo na ang mga nasa mataas na palapag ng gusali.

Alas 12:25 ng tanghal ay niyanig naman ng magnitude 5.2 na lindol ang Nasugbu, Batangas na nasundan ng dalawang aftershocks.

Wala namang naiulat na nasaktan sa dalawang lindol.

Categories
Posted on

Balitang Panlalawigan

Davao City – Isa ang patay at naligtas naman sa kamatayan ang isang mambabatas ng lalawigan ng Maguindanao matapos tambangan kahapon sa Chico Street, Phase 4,Cuidad Esperanza,Cabantian, Buhangin District, pasado alas 2:00 ng kahapon kahapon.

Kinilala ng Buhangin Police Station ang namatay na si Berry Adas.

Nabatid sa imbestigasyon ng pulisya habang binabaybay ng sasakayan ni Maguindanao 2nd District Regional Assemblyman Sidik Amiril ang daan dinikitan ito ng isa pang SUV at motor at pinaulanan ng bala.

Nakaligtas si Assemblyman Amiril at mga kasamahan nito na sina Kaharudin Manda, Jastipy Mamadras, at ang driver nasi Moktar Adam.

 

Kasalukuyan pang inaalam ng pulisya ang motibo ng krimen para matukoy ang suspek na ngayon ay patuloy pang tinutugis ng mga otoridad.

-o-o-o-o-o-o-o-o-o-o-

Datu Odin Sinsuat, Maguindanao – isang senior citizen ang nasawi samantalang tatlo katao naman ang nasugatan matapos nasunog ang isang residential house sa Brgy. Taviran kamakalawa alas saes ng umaga.

Kinilala ang nasawi na si Hadji Datu Mosiba Pinguiaman habang sugatan ang anak nitong si Bai Marina Pinguiaman, Principal ng Broce Elemnetary School at dalawang iba pa na mabilis itinakbo sa ospital.

Nabatid sa imbestigasyon ng Bureau of Fire Protection habang namamantsa ang isa sa kamaganak ni Panguiaman ng magliyab ang apoy.

Bukod sa bahay, natupok rin ang tatlong motorsiklo at naisalba naman ang SUV ng mga biktima.

electrical short circuit naman ang isa sa tinitingnan sanhi ng mga bombero habang nagpapatuloy ang imbestigasyon.

-o-o-o-o-o-o-o-o-o-o-

GENERAL SANTOS CITY – Natakasan ng tatlong bigtime drug lord na nasa narco-list ni Pangulong Rodrigo Duterte nang lusubin ang kanilang kuta ng mga otoridad.

Ayon kay Region 12 police director Police Chief Supt. Marcelo Morales, ang mga suspek na sina Jo Angelo Senobago, Randy Brillantes at Mario Abalos, pawang mga “high-value target” drug personalities ay hindi inabutan ng mga raiding team.

Narekober ng pwersa ng Regional Police Drug Enforcement Unit-12 sa bahay ng mga suspek sa Barangay Apopong at Dadiangas North ang ilang gramo ng shabu.

Inudyukan ng opisyal ang mga suspek na sumuko na lamang sa halip na magtago sa mga otoridad dahil tiyak may kalalagyan sila.

 
-o-o-o-o-o-o-o-o-o-o-


Malitbog, Bukidnon – Isang magsasaka ang pinatay sa loob mismo ng kanyang bahay sa Sitio Alangilan, Silo-o.

Ang biktima na si Antonio Agol alyas “Tony”, 40 anyos ay agad nasawi matapos tamaan ng bala ng baril sa kanyang ulo.

Nabatid sa imbestigasyon ng pulisya bandang alas 8:30 kamakalawa ng gabi habang nagpapahinga ang biktima sa loob ng kanyang bahay ng pasukin ng hindi kilalang suspek at binaril ng hindi pa tukoy na uri ng baril.

personal na galit naman ang nakikitang motibo ng mga otoridad gayunman nagpapatuloy parin ang information gathering para madakip ang salarin.

Categories