Posted on

Aprubado na ni Pangulong Rodrigo Duterte ang panukalang P4.506- trilyong pambansang pondo para sa taong 2021.

Ayon sa Department of Budget and Management (DBM), inaprubahan ito ng pangulo matapos i-presenta ng Development Budget Coordination Committee (DBCC) sa pulong noong Huwebes, Hulyo 30.

Kasunod nito, isasapinal na ng DBM ang 2021 National Expenditure Program at iba pang dokumento na kanila namang isusumite sa Kongreso para himayin at aprubahan.

Mas mataas ng halos 10% ang panukalang national budget sa susunod na taon kumpara sa P4.1 trillion na pambansang pondo sa kasalukuyang taon.

Dagdag ng DBM, katumbas rin ito ng 21.8% na gross domestic product (GDP) ng bansa.

Bahagi pa rin anila ng panukalng national budget ang patuloy na pagtugon ng pamahalaan laban sa COVID-19 sa pamamagitan ng pagpapaganda ng health system, pagtiyak sa seguridad sa pagkain, dagdag puhunan sa public at digital infrastructure, at pagtulong sa mga komunidad na makabangon.

Categories
Posted on

Maglalaan ng P1 bilyon na pondo ang Department of Labor and Employment (DOLE) para sa National Integration Program ng mga umuwing OFW dahil sa COVID-19.

Ayon kay Labor Secretary Silvestre Bello III, magpupulong sila kasama ang OWWA para pag-usapan ang National Integration Program para sa mga OFWs.

Ngayong araw ay mayroon silang OWWA board meeting para talakayin ang livelihood program na ibibigay sa mga OFWs.

Maglalaan sila ng P1-B para magkaroon ng group livelihood.

Inihalimbawa niya ang pagtatanim ng bamboo o kawayan na pagtutulungan ng mga OFWs.

Sinabi rin ng kalihim na umabot na sa 111,000 na OFWs ang kanilang napauwi at patuloy din ang pamimigay nila ng tulong pananalapi sa mga nag-apply na kuwalipikado.

Categories
Posted on

Para sa pangangailangan ng mga may kapansanan sa paningin at matatanda na, inilunsad ng Bangko Sentral ng Pilipinas (BSP) ang mga bagong perang papel ng bansa.

Sinabi ni BSP Gov. Benjamin Diokno na ang mga bagong pera ay taglay ang pinakabagong ‘anti-counterfeiting technology.’

Huling naglabas ng bagong serye ng mga perang papel ang BSP noong Disyembre 2010 at ayon sa eksperto, kailangan ay binabago ang ‘security features’ kada dekada.

Paliwanag ni Diokno, may mga pahalang na linya sa magkabilang gilid ng pera at dalawang pares sa P50, dalawang pares sa P100, tatlong pares sa P200, apat na pares sa P500 at limang pares sa P1,000.

May idinagdag din na security features sa P500 at P1,000 para maging mahirap na itong mapeke.

Categories
Posted on

Umaasa ang ilang senador na magbibigay si Pangulong Rodrigo Duterte ng komprehensibong plano ng gobyerno para tulungan na malampasan ng mga Filipino ang krisis sa COVID-19 sa kanyang ika-limang State of the Nation Address (SONA) ngayong araw.

Sinabi ni Senate President Pro Tempore Ralph Recto, na dapat iwasan ng Pangulo na ihayag ang mga nangyari na at sa halip ay tumutok na lamang sa dapat gawin pa ng gobyerno.

Giit pa ni Recto na kahit ano pang gamitin na medium para sa pagdedeliver ng SONA ngayon ay isa lamang ang nilalaman nito at ito ay ang inspiring 2020 vision para kumilos ang buong bansa bilang iisa para mapagtagumpayan ang virus at kahirapan.

Para naman kay Senate Minority leader Franklin Drilon, oportunidad ang SONA kay Duterte para iprisinta ang komprehensibong plano para maka-survive sa pandemic at mabuhay ang ekonomiya ng bansa at matulungan din ang libo-libong OFWs na nawalan din ng trabaho.

Hinikayat naman ni Senate Committee on Labor Chairman Sen. Joel Villanueva ang Pangulo na talakayin sa kanyang SONA kung paanong makakagawa ng trabaho ang gobyerno para sa Filipino na naging jobless dahil sa pandemic.

Categories
Posted on

Dapat “economic offensive” ang estratehiya ng Pilipinas upang mabisang labanan ang nakaambang pagbagsak ng ekonomiya nito, dulot ng Covid-19 pandemya, ayon kay House Ways and Means Committee chairman, Albay Rep. Joey Sarte Salceda, isang kilalalang ekonomistang mambabatas.

Upang manatiling nasa opensiba ang pang-ekonomiyang hakbang ng bansa, nanawagan ang mambabatas na pagtibayin agad ng Kongreso ang panukalang ‘Corporate Recovery and Tax Incentives for Enterprises (CREATE) Act,’ na matagal nang nakabinbin sa lehislatura, at lalong pasiglahin ang implementasuyon ng “Build, Build, Build program” ng pamahalaan.

Naglabas si Salceda ng isang ‘34-point manifesto’ na naglalayong isulong ang programang “Lupigin ang Covid-19” ni Pangulong Duterte na inaasahan niyang babanggitin ng Pangulo sa kanyang ika-5 State of the Nation Address (SONA) ngayong Lunes, Hulyo 27.

Pinuna ni Salceda na sa kabila ng kakulangan sa kakayahan ng ating bansa, ipinakikita ng mga ‘epidemiological models’ na napigilan ng mga mahigpit na ‘quarantine lockdowns’ ang tinatayang mga 3.5 milyong pagkahawa sa virus.

Categories
Posted on

Aabot 1500 magniniyog sa lalawigan ng cotabato ang ang magiging benepisyaryo ng 6000 bags ng agricultural salt naipamahagi ng Office of the Provincial Agriculturist (OPAG), sa 15 bayan ng Probinsya.

Ayon kay Provincial Coconut Coordinator Rogaya S. Acoy, tatanggap ng tig aapat (4) na sako ng asin ang bawat benepisyaryo, ito ay nagmula sa mga bayan ng Midsayap, Antipas, Kidapawan, Magpet, Matalam, Pikit, Makilala, Carmen, Banisilan, Mlang, Tulunan, Aleosan, Alamada at Kabacan.

isinagawa kahapon ang ceremonial distribution na Dinaluhan ni Provincial Administrator, Efren Piñol.

sa kanyang mensahe, ” isa ang sektor ng agrikultura na importante sa liderato ni Governor Nancy Catamco, please share the knowledge para mabuligan pud ang iban”.

Malaking pasasalamat ng mga benepisyaryo na magniniyog, at silay umaasa na magpapatuloy ang ganitong programa, dahil malaking tulong ito para mapalago ang kanilang kita sa niyog.

Categories
Posted on

Naghain ng panukala si Senator Imee Marcos para hindi na masyadong umasa ang bansa sa mga imported medical supplies

Naghain ng panukala si Senator Imee Marcos para hindi na masyadong umasa ang bansa sa mga imported medical supplies, partikular na ang personal protective equipmeynt (PPE) para sa healthcare workers at frontliners.

Sa inihain niyang Senate Bill 1708, o ang “Healthcare Manufacturing and Pandemic Protection Act,” gusto ni Marcos na mapalakas ang local production sa pamamagitan ng pagbibigay ng tax exemptions at incentives ang mga local manufacturer.

Hinihikayat din niya ang mga local manufacturer na magkaroon ng ‘innovation and repurposing’ sa mga materyales na mabibili naman sa bansa.

Sa kanyang panukala, hindi na kailangan pang magbayad ng manufacturers ng importation tax para sa mga biniling imported raw materials at kagamitan.

Gayundin, nais din niyang ilibre na sa mga buwis at iba pang bayarin sa Bureau of Customs at Food and Drug Administration ang mga local manufacturer.

Categories
Posted on

Nanawagan si Senator Christopher Go sa Department of Health o DOH at iba pang ahensya ng gobyerno na tiyakin na may sapat na suplay ng mga murang gamot para sa mamamayan

Ayon kay Go, nakarating sa kanya ang mga ulat na may ospital na sobra ang singil sa kanilang mga gamot kayat hinihikayat niya ang mga biktima na magreklamo at panawagan niya rin sa DOH na agad mag-imbestiga.

Paliwanag nito, wala nang nagagawa ang mga pasyente kundi bayaran na lang ang mga mahal na gamot.

Hinikayat niya ang pagsusuri sa listahan ng Maximum Drug Retail Price ng ilang gamot base sa Cheaper Medicines Act of 2008 at sa EO 104 ni Pangulong Rodrigo Duterte noong nakaraang Pebrero.

Categories
Posted on

Sen. Sherwin Gatchalian hinimok niya ang Globe at Smart na magbigay ng libreng internet connectivity sa mga mag-aaral sa muling pagsisimula ng mga klase sa pamamagitan ng blended learning system.

Kung bawat mag-aaral ay makakagamit ng internet, isang mahalagang hakbang ito upang makabangon ang ating sistema ng edukasyon mula sa epekto ng COVID-19, gawin itong mas matatag sa panahon ng kalamidad, at masigurong walang batang maiiwan.”

Ito ang sinabi ni Sen. Sherwin Gatchalian kayat hinimok niya ang Globe at Smart na magbigay ng libreng internet connectivity sa mga mag-aaral sa muling pagsisimula ng mga klase sa pamamagitan ng blended learning system.

Aniya, para magkaroon ng internet service sa 42,046 barangays sa bansa, kailangang maglagay ang telcos ng cell sites sa mga pampublikong paraan.

Diin pa ng senador, kung may internet maging sa mga tinatawag na ‘Last Mile Schools’ o mga liblib na paaralan, walang estudyante ang mapapag-iwanan sa edukasyon sa gitna ng pandemiya.

Base sa ulat ng DepEd, tatlong milyong estudyante ang pumapabor sa online learning at mahigit pitong milyon naman ang pinili ang modular distance learning samantalang 1.2 milyon ang gustong makapag-aral sa pamagitan ng telebisyon at higit 600,000 ang pinili ang radyo.

May 2.9 milyon estudyante naman ang nagsabi na may internet sa kanilang bahay, samantalang higit 1.8 milyon ang walang laptop, desktop, TV maging radyo.

Categories
Posted on

Ibinuhos na ng gobyerno ang pondo nito para mabigyan ng ayuda ang mga Pilipinong naapektuhan ng coronavirus disease 2019 (COVID-19) pandemic.

Ipinabatid ito ni Cabinet Secretary Karlo Nograles, Co-Chair ng Inter-Agency Task Force for the Management of Emerging Infectious Diseases (IATF) matapos i-report ni DSWD Secretary Rolando Bautista na pumapalo sa mahigit P106-billion ang naipamahaging tulong pinansyal sa mahigit 19-milyong beneficiaries sa ilalim ng SAP o social amelioration program.

Bukod dito inihayag pa ni Nograles na inaprubahan na ng Social Security System ang halos kalahating milyong application para sa calamity assistance na nagkakahalaga ng P7. 5-billion.

Nabigyan na rin aniya ng tulong ang nasa mahigit P74-million mula sa kabuuang P84- million ang halos 6,000 manggagawa na nawalan ng trabaho.

Ayon pa kay Nograles Ang Department of Labor and Employment (DOLE) naman ay nakapagbigay na ng tulong pinansyal sa halagang P6.4-billion sa mahigit 1-milyong displaced employees sa formal at informal sectors kabilang ang mga OFW’s.

Iniulat din ni nograles ang naipalabas na P6-billion na cash subsidy ng Department of Agriculture para sa mahigit isang milyong magsasaka at mangingisda na apektado ng COVID-19 pandemic.

Binigyang diin pa ni Nograles na hindi rin naman nagpahuli ang Department of Education para ayudahan ang mga naapektuhan sa sektor ng edukasyon.

Kabilang dito ang computer loan program ng GSIS para sa distance learning o online classes at cash loan program para matulungan ang mga miyembro nitong makapagbayad ng matrikula at iba pang gastusin sa paaralan ng kanilang mga anak.

Categories