Posted on

Ilalapit kay Pangulong Duterte ni Senator Christopher Go na sa ilalaan na pondo sa Bayanihan to Recover as One Act ay makinabang ang medical and health workers.

Tiniyak ni Go na pinapakinggan at ikinokonsidera ng gobyerno ang mga hinaing ng medical frontliners.

Kasabay nito, pinaalalahanan din ng senador ang mga opisyal ng gobyerno na tuparin ang kanilang mga pangako.

Nabanggit din ng namumuno sa Senate Committee on Health na pinag-aaralan niya na mabigyan ng tulong pinansiyal at mga karagdagang benepisyo ang mga private health worker na gumagamot o nag-aalaga sa COVID-19 patients.

Isa sa naiisip niyang dagdag benepisyo ay life insurance coverage.

Batid niya aniya na hindi lahat ng naibibigay sa government health workers ay nakukuha din ng mga nasa pribadong sektor.

Categories
Posted on

Bilang suporta sa medical frontliners, mas dumami pa ang mga pa­nawagan kay Pangulong Rodrigo Duterte na ibalik muli sa enhanced community quarantine (ECQ) ang Metro Manila.

Sinusugan  ni UP Institute of Mathematics Prof. Guido David ang panawagan ng medical community na magpatupad muli ng 2-linggong ECQ sa MM na maaari ring maging dahilan para magkaroon ng ‘flattening of the curve’ sa kaso ng  COVID-19.

Pero hindi kumbinsido si David na kaya ng 2-linggong ECQ para ma-flatten ang curve sa NCR.

Naniniwala si David na sapat na ang isang buwang ECQ sa NCR para bumagal ang transmission ng COVID-19.

Mas handa na rin aniya ang gobyerno ngayon pagdating sa testing, contact tracing at isolation kaya magiging mas epek­tibo ito kumpara noong unang inilagay sa ECQ ang Metro Manila.

Ehemplo umano dito ang Cebu City na biglang tumaas ang kaso ng COVID-19 kaya inilagay sa ECQ na nagresulta ng pagbaba ng transmission rate.

Sa Senado, sinabi ni Senate President Pro Tempore Ralph Recto, na panahon na para maki­pag-appointment ang Pangulo sa mga doktor at personal na pakinggan ang kanilang mga hinaing.

Para kay Sen. Richard Gordon, dapat ikonsidera ng gobyerno ang mga daing ng medical frontliners sa pagdedesisyon at pagpapatupad ng quarantine levels.

Pagod na pagod na umano ang mga health workers at marami na rin ang nagkakasakit sa kanila halimbawa na lamang nito ang mga medical technicians ng Red Cross na marami na rin sa kanila ang dinapuan ng COVID-19.

 

Sa panig naman ni Albay Rep. Edcel Lagman, ang relief at recovery ng kalusugan ng tao ang dapat iprayoridad  sa halip na ang negosyo sa mga critical area.

Giit pa ni Lagman, hindi dapat na tularan ang ibang bansa na tulad ng Japan na nagbukas agad ng kanilang ekonomiya, leisure at domestic travel activities kaya muling bumalik ang COVID-19 doon.

Una rito ay nanawagan ang League of Provinces of the Philippines (LPP), kay Pangulong Duterte na palawigin pa ang ECQ dahil na rin sa dumaraming bilang ng mga nagpopositibo sa COVID-19.

Una na ring hiniling ng mga medical frontliners na ibalik sa ECQ ang NCR para maampat ang tumataas na kaso at makapagpahinga naman sila na nakararanas nga­yon ng sobrang pagod.

Sa pagtataya ng UP, posibleng umabot sa 150,000 ang kabuuang kaso ng COVID-19 sa Pilipinas sa pagtatapos ng Agosto.

Categories
Posted on

Lumagpas na sa 100,000 ang kabuuang bilang ng kumpirmadong kaso ng coronavirus disease 2019 (COVID-19) sa bansa.

Ito ay makaraang makapagtala ng 5,032 karagdagang kaso na siyang pinakamataas na naitalang bilang ng bagong COVID-19 case sa isang araw.

Ayon sa tala ng Department of Health (DOH), umakyat na sa 65,557 ang kabuuang bilang ng mga gumaling na pasyente matapos madagdagan ng 301 bagong recoveries.

Habang nadagdagan naman ng 20 ang bilang ng nasawi sa COVID-19 na mayroon nang kabuuang 2,059.

Samantala, limang lugar naman ang nakapagtala ng pinakamatataas na bagong kaso ng COVID-19 sa nakalipas na magdamag, kabilang ang Metro Manila na may 2,737.

Gayundin ang Cavite na nakapagtala ng 463 bagong kaso, Cebu na 449, Laguna na 326, at Rizal na 201.

Categories
Posted on

General Santos City- May person of interest nang tinututkan ang pulisya sa pagpatay sa isang security guard sa loob mismo ng kanyang bunk house sa Purok 28, Barangay Fatima, kamakalawa ng gabi.

Kinilala ni Police Station 7 commander P/Major Heilbronn Okoren, ang biktima na si LD Marl Baylosis, 34-anyos nagtatrabaho bilang guwardiya sa lupain na pagmamay-ari ng pamilyang Alcantara.

Ayon kay Okoren, dakong alas-8:40 ng gabi habang naglalaro ng video games ang biktima nang bigla na lamang pinasok at pagbabarilin ng hindi pa nakikilalang suspek saka tumakas.

Isinugod pa sa ospital si Baylosis subalit idineklarang dead-on-arrival nang attending physician dahil sa tinamong tama ng bala mula sa .45 caliber pistol sa ibat-ibang parte ng katawan.

Away sa lupa ang isa sa motibong  nakikita ng mga otoridasd sa pagpaslang sa biktima.

Categories
Posted on

Sa Davao Del Sur , Tumama ang magnitude 3.2 na lindol kanina.

Ayon sa Phivolcs, namataan ang episentro ng lindol sa layong 10 kilometers Southeast ng Kiblawan bandang 12:34 ng madaling-araw.

Tectonic ang origin at siyam na kilometro ang lalim ng pagyanig.

Wala namang napaulat na pinsala sa nasabing lugar.

Wala ring inaasahang aftershocks matapos ang pagyanig.

Categories
Posted on

Sa Sultan Kudarat, Magundanao, Isang rape suspek na itinurong nanggahasa sa isang Grade 2 pupil ang naaresto ng mga otoridad sa isinagawang pursuit operation.

Kinilala ng Sultan Kudarat MPS ang suspek na si Abubakar Guinda Kamensa, 30 anyos, walang asawa na residente ng Brgy. Katuli.

Alas 12:45 ng tanghali nang i-ulat ng ama ng walong taong gulang na biktima sa pulisya ang di umanoy ginawang panghahalay ng suspek sa kanyang anak.

ang suspek ay nakatakdang sasampahan ng kaukulang kaso ngayong araw, samantalang ang biktima naman ay isinailalim sa medical examination.

Categories
Posted on

Patay ang dalawang sundalo sa nangyaring engkwentro sa pagitan ng mga kasapi ng Bangsamoro Islamic Freedom Fighters o BIFF Karailan faction sa boundary ng Datu Salibo at Sharif Saydona Mustapha alas 5:40 ng umaga kahapon.

Nakilala ang mga napatay na sina PFC Jovit Sarno at PFC Raymond Canlog kapwa miyembro ng 57th Infantry Batallion Philippine Army.

Napag-alaman na nagsagawa ng opensiba ang militar sa mga lugar kung saan nagkukuta ang mga rebelde at target sa operasyon si Ustaz Hassan Indal chairman ng darul iftah organization at iba pang kasamahan nito.

Sa ngayon ay patuloy ang opensiba ng militar sa mga lugar kung saan nagkukuta ang target at iba pang kasamahan nito.

Categories
Posted on

Itinuturing na pinakadelikadong bansa sa Asya ang Pilipinas para sa mga tagapagtanggol ng Inang Kalikasan.

Ayon ito sa watchdog na Global Witness na nagsabi pang ikalawa ang Pilipinas sa Colombia sa mga bansa sa mundo na most dangerous para sa land defenders.

Sa report ng Global Witness 43 ang nasawi sa Pilipinas partikular mula sa Mindanao at Negros kumpara sa 30 lamang nuong 2018.

Lumalabas din sa report na kalahati ng mga naitalang pagpatay na  nangyari simula nang manungkulan ang Pangulong Rodrigo Duterte nuong 2016 ay ini-uugnay sa armed forces o paramilitary groups.

Kabilang sa mga nasawi ay indigenous leaders, magsasaka at mga empleyado ng gobyerno na inatasang mangalaga sa kalikasan.

Ipinabatid pa ng Global Witness na mahigit kalahati ng bilang ng mga nasawi ay may kaugnayan sa agribusiness at 16 na insidente ng pagpatay ay iniuugnay sa mining na maituturing na pinakamataas na bilang sa buong mundo.

Categories
Posted on

Itinalaga ng Pangulong Rodrigo Duterte si Army Chief Lt. General Gilbert Gapay bilang bagong Armed Forces of the Philippines (AFP) chief.

Kasunod na rin ito ng nakatakdang pagreretiro ni AFP Chief General Filemon Santos sa August 4.

Nagpasalamat si Gapay sa Pangulong Duterte sa tiwala sa kaniya at makakatiyak aniya ang sambayanan na ipagpapatuloy niya ang mga magagandang nasimulan ng mga naunang pinuno ng AFP para sa makapaglingkod ng tapat sa mga Pilipino.

Winelcome naman ng AFP ang kanilang bagong pinuno.

Una nang binisita ni Santos ang mga tropa sa Philippine Navy na nagbigay sa kaniya ng honorary flag rank command badge at Philippine Army  na nagkaloob naman sa kaniya ng Combat Commander’s Kagitingan badge.

Kapwa nagbigay din ng briefing kay Santos ang mga hepe ng Navy at Army hinggil sa kanilang command accomplishments.

Categories
Posted on

Ikinakasa na ng gobyerno ang pooled testing bilang isa sa malaking pagbabagong ipatutupad kaugnay sa laban sa coronavirus disease 2019 (COVID-19) pandemic.

Ayon kay Presidential Spokesman Harry Roque natapos na ang ginawang pilot testing para sa pooled testing na isasapinal sa pulong ng IATF kasama ang Pangulong Rodrigo Duterte ngayong araw na ito.

Ipinabatid ni Roque na kapag naipatupad na ang pooled testing maaaring nasa P300.00 na lamang ang bayaran para sa COVID-19 test.

Lalabas aniyang paghahatian ng sampung taong sasailalim sa pooled testing ang isang testing kit na nasa hanggang P3,000 ang kada isa.

Categories