Posted on

California -Itinuturing ng mga rescuers sa US na patay ang ang pitong US marines at isang marino matapos ang naganap na aksidente habang sila ay nagsasanay.

Ito ay matapos na bigo pa rin silang makita pagkalipas ng mahigit na 40 oras na search and rescue operations.

Lulan kasi ng mga biktima sa amphibious assault vehicles (AAV) ng ito ay lumubog sa kasagsagan ng military exercise.

Sinabi ni Col. Christopher Bronzi, commander ng 15th Marine Expeditionary Unit (MEU) na ginawa nila ang lahat ng makakaya para mahanap ang mga biktima.

Gumamit na sila ng mga helicopters at barko para suyurin ang nasa mahigit 1,000 square nautical miles sa karagatan ng California.

Nangyari ang aksidente ng pabalik na ang AAV sa amphibious warship USS Somerset matapos ang operasyon sa San Clemente Island ng ito ay lumubog.

Categories
Posted on

Umakyat pa sa mahigit 673,000 ang bilang ng mga nasawi dahil sa coronavirus disease 2019 (COVID-19) sa buong mundo.

Ito ay matapos makapagtala ng karagdagang 6,459 pang nasawi.

Samantala, nadagdagan naman ng halos 300,000 bagong kaso ng COVID-19 dahilan kaya umakyat na sa mahigit 17.3-milyon ang kabuuang kaso mula sa isang 196 na mga bansa at teritoryo sa iba’t ibang panig ng mundo.

Sa nabanggit na bilang halos 10-milyon na ang nakarekober o gumaling mula sa COVID-19.

Nananatili naman ang Estados Unidos sa mga bansang pinakamatinding tinamaan ng COVID-19 pandemic kung saan umabot sa mahigit 1,300 ang naitalang bagong kaso ng nasawi sa isang araw lamang.

Umaabot na rin sa halos 4.5-milyon ang kabuuang bilang ng COVID-19 case sa Estados Unidos.

Categories
Posted on

Posible pang tumagal ng isang dekada ang pandemya ng COVID-19 sa buong mundo.

Ito ang babala ng World Health Organization (WHO) sa kabila ng unti-unting pagbuo ng iba’t ibang bansa ng bakuna para labanan ito.

Ayon sa WHO, dahil sa dami ng naitatalang transmission ng virus at tumataas na kaso ng COVID-19, mahihirapan ang lahat bago maka-rekober ang mga bansa rito.

Batay sa datos, umakyat na sa mahigit 680,000 na ang nasawi sa buong mundo dahil sa virus na nagsimula nuong Disyembre ng nakalipas na taon sa Wuhan, China.

Categories
Posted on

Sa Malaysia – Guilty ang hatol ng korte kay dating Malaysian Prime Minister Najib Razak sa lahat ng pitong corruption charges laban dito kaugnay sa pagkakasangkot sa multi-billion dollar scandal gamit ang pera ng gobyerno sa One Malaysia Development Berhad.

Ayon kay Kuala Lumpur High Court Judge Mohamad Nazlan Mohamad Ghazali napatunayan ng prosecution beyond reasonable doubt ang pagkakasangkot ni Najib sa corruption charges matapos nilang makunsider ang lahat ng mga ebidensya sa panahon ng paglilitis.

Si Najib ay nahaharap sa pitong kaso ng criminal breach of trust, money laundering at abuse of power dahil sa umano’y iligal na pagtanggap ng halos 10-milyong dolyar mula sa dating 1MDB unit na SRC International.

Malalaking piyansa at pagkakakulong ng 15 hanggang 20 taon ang parusa sa kada kasong kinakaharap ni Najib na i-a-apela ang naturang desisyon ng federal court.

Ang nasabing kaso ay itinuturing na landmark case na tinitingnan bilang test o pagsubok sa kampanya ng gobyerno na labanan ang korupsyon at maaaring magkaruon ng malaking political effect sa Malaysia.

Categories
Posted on

Sa South Korea, Pumalo na sa higit 70 ang bilang ng mga Pilipino na nagpositibo sa coronavirus disease 2019 (COVID-19) .

Sa public hearing ng Laging Handa, sinsabi ni Charges D’ Affaires in South Korea Christian De Jesus na ang naturang bilang ay nagmula sa local health authorities sa naturang bansa maging sa mga Filipino community doon.

Sa naturang bilang, 34 dito ang tuluyan nang nakarekober sa namamatay na virus, habang aabot sa 44 ang patuloy pang ginagamot.

Kasunod nito, paliwanag ni Charges D’ Affaires De Jesus na pawang mga mild cases lamang ang mga naitalang Pinoy na nagpositibo sa COVID-19.

Categories
Posted on

Nakapagtala ng higit 1,000 bilang ng pagkasawi dahil sa coronavirus disease 2019 (COVID-19) ang Estados Unidos sa tatlong magkakasunod na araw.

Ito ay matapos na maitala ng Amerika ang nasa 1,014 apat na death toll dahil sa COVID-19, kahapon.

Sa pinaka huling ulat ng World Health Organization (WHO), nananatili ang u.s. Bilang may pinakamaraming bilang ng kaso ng COVID-19 na pumapalo na sa higit 4-milyon, at death toll na nasa 147,000.

Sa ngayon nasa higit 15-milyon na ang bilang ng kaso ng COVID-19 sa daigdig.

Categories
Posted on

Nakapagtala na umano ng isang suspected na kaso ng coronavirus disease 2019 (COVID-19) ang bansang North Korea .

Ayon sa state news agency KCNA, ito raw ay isang indibidwal na umuwi sa bansa noong Hulyo 19.

Kaya naman, nagpatawag na umano ng emergency politburo meeting si North Korean leader Kim Jong Un sa ruling na Workers Party.

Sinasabing tinalakay umano sa pulong ang “emergency event” na nangyari sa lungsod ng Kaesong.

Categories
Posted on

Inihayag ni President Vladimir Putin na bibili ang kaniyang bansa ng 40 bagong barko ngayong taon para sa Bansang Russia.

Isinagawa nito ang anunsiyo ng dumalo siya sa naval parade sa St. Petersburg bilang pagdiriwang ng Navy Day sa nasabing bansa.

Ang parada sa St. Petersburg at kalapit na bayan na Kronsshtadt ay nagpapakita ng 46 na ships at vessels na dinaluhan ng mahigit 4,000 na sundalo.

Dagdag pa nito na ang nasabing mga barkong pang-giyera ay lalagyan ng mga hypersonic weapons para lalong mapalakas ang kanilang kapasidad sa pakikipaglaban.

Categories
Posted on

Naglagak ng halos $2-B ang Estados Unidos sa Pfizer at German Biotechnology Company

Naglagak ng halos $2-B ang Estados Unidos sa Pfizer at German Biotechnology Company para sa mas mabilis na pag-develop ng bakuna kontra coronavirus disease 2019 (COVID-19).

Isa lamang ito sa proyekto ng Estados Unidos sa ilalim ng warp speed project upang makauna at mabilis na makapag-distribute ng bakuna.

Ganito rin ang ginagawa ng europe na naglagak na rin ng pondo sa Curevac, isang German firm na unang nang hinikayat ni US President Donald Trump sa pagasang mauuna ang US kapag nakagawa ito ng bakuna.

Categories
Posted on

45 katao ang patay kabilang ang ilang sibilyan at Taliban fighters, sa panibagong pambobomba sa Afghanistan

Ayon kay Ali Ahmad Faqir Yar, gobernador ng Adraskan district sa probinsya ng Herat, kasama sa mga nasawi sa air strikes ng security forces ang walong residente.

Samantala, binigyang diin ng defense ministry na iniimbestigahan na nila ang alegasyon tungkol sa civilian casualties.

Categories