Posted on

Suko na ang Malakaniyang sa prediksyon ng mga expert mula sa University of the Philippines (UP) matapos lumobo ang bilang ng mga kumpirmadong kaso ng coronavirus disease 2019 (COVID-19) sa bansa.

Sa gitna na rin ito ng posibilidad na malampasan ang 85,000 mark forecast ng up hanggang sa katapusan ng buwang ito.

Ayon kay Presidential Spokesman Harry Roque nangyari na ang prediksyon kaya’t walang dapat ipagdiwang subalit hindi naman ito dahilan para panghinaan ng loob at hayaang dumami pa ang mga tatamaan ng COVID-19.

Sinabi ni Roque na mas higit pang dapat paigtingin ang contact gtracing, testing, treatment at isolation para epektibong mapigilan ang pagkalat ng virus na nagawa na rin naman sa Cebu City kayat tiyak na magagawa rin sa Metro Manila.

Inihayag ni Roque na nakakalungkot man subalit ito ang realidad kayat dapat na patuloy na mag ingat ng publiko para makaiwas sa COVID-19.

Categories
Posted on

Delikado ang mga mahihirap, kapag ibinalik ang parusang kamatayan.

Ito ang ibinabala ni Senadora Grace Poe, kasunod ng nais ni Pangulong Rodrigo Duterte na ibalik ang death penalty sa pamamagitan ng lethal injection para sa mga may kasong sangkot sa ilegal na droga.

Paliwanag ng senadora, mahihirapan kasi ang mga mahihirap na depensahan ang kanilang sarili at mapatunayan ang kanilang pagiging inosente dahil sa kakapusan ng pera.

Dahil dito, iginiit ni Poe na kailangan na ang pag reporma sa sistema ng hustisya sa bansa.

Categories
Posted on

Iimbestigahan na rin sa Mababang Kapulungan ng Kongreso ang umano’y anomalya sa PhilHealth.

Ayon kay House Committee on Public Accounts Chairman at Anakalusugan Party-list Representative Mike Defensor, magpapatawag sya ng motu proprio investigation kaugnay sa mga iregularidad at alegasyon ng korapsyon sa PhilHealth.

Ibinunyag naman ni Defensor na binalaan na niya noon si PhilHealth President Ricardo Morales kaugnay sa mga raket na ginagawa nito sa loob ng tanggapan dahilan aniya para walang maipakitang Commission on Audit report ang ahensya sa mga nagdaang budget hearing.

Kasabay nito, sinabi rin ni House Minority Leader Benny Abante na nakatatanggap sya ng reklamo partikular na sa isang modus kung saan inilalagay na coronavirus disease 2019 (COVID-19) ang sakit ng isang pasyente kahit iba ang sakit nito para lamang makakuha ng malaking diskwento.

Samantala, maghahain naman si Bayan Muna Representative Carlos Zarate ng panibagong resolusyon upang masilip ang katiwalian sa ahensya at matigil na ang korapsyon na siyang uubos sa pondo nito gayung nasa kasagsagan pa ng krisis ang bansa dahil sa COVID-19 pandemic.

Categories
Posted on

Nasa warning zone na ang lagay ng mga healthcare system at facilities sa bansa. Ito ay matapos na isa-isang magdeklara ang mga ospital na puno na ang kanilang kapasidad dahil sa patuloy na pagtaas ng bilang ng kaso ng coronavirus disease 2019 (COVID-19).

Ayon kay Health Undersecretary Maria Rosario Vergeire, nasa 53% na ng intensive care unit (ICU) beds ang nagagamit, habang 51% naman sa mga isolation beds.

Habang 57% naman ng ward beds ang nagagamit na, kung saan binigyang diin ni Vergeire na nangangahulugan itong nasa warning zone na ang occupancy rate ng bansa.

Dagdag pa ni Vergeire, ibig sabihin din anya nito na overwhelmed na ang mga pagamutan at pagod na ang mga doktor, nurses at iba pang health care workers.

Dagdag pa ni Vergeire, ang National Capital Region ay nasa danger zone na dahil nasa 70% ng bed capacity ng mga ospital sa Metro Manila ang okupado na.

Sa ngayon, nasa higit 83,000 na ang bilang ng kaso ng COVID-19 sa Pilipinas.

Una rito, sinabi ni Presidential Spokesman Atty. Harry Roque na posibleng ibalik muli sa enhanced community quarantine ang Metro Manila sa oras na pumalo sa 85,000 ang bilang ng COVID-19 sa bansa pagsapit ng katapusan ng Hulyo.

Categories
Posted on

Lumampas na 83,000 ang kumpirmadong kaso ng coronavirus disease (COVID-19) sa bansa.

Ayon sa Department of Health (DOH) sumipa na sa 83,673 ang kumpirmadong kaso ng COVID-19 matapos madagdag ang 1,678 bagong kaso ng nasabing virus.

Ito na ang sunud sunod na ika-14 na araw na nakapagtala ng mahigit 1,300 bagong kaso sa loob lamang ng isang araw.

Kabilang sa mga lugar na nakapagtala ng pinakamataas na confirmed COVID-19 cases ang Metro Manila – 698, Laguna – 218, Cebu – 100, Cavite – 87 at Davao Del Sur.

Pumapalo naman sa 26,617 ang total recoveries matapos maitala ang 173  mga bagong gumaling sa naturang sakit.

Nasa  1,947  death toll sa COVID-19 matapos madagdag ang 4 na nasawi rito.

Umakyat naman sa 55,109 ang active cases na sumasailalim sa gamutan o naka-quarantine.

Ang Pilipinas ay nananatili bilang ikalawang bansa sa Southeast Asia na nakapagtala ng pinakamataas na kumpirmadong kaso ng COVID-19 kung saan nangunguna ang Indonesia na mayruong mahigit 100,000  kaso na at ikatlo naman ang Singapore na nasa halos 51,000 ang active cases.

 

Categories
Posted on

Tiniyak ng Department of Agriculture (DA) ang buong suporta sa lokal na produksyon ng mga pangunahing pangangailangan ng bawat Filipino kabilang na ang mga produktong agrikultural.

Ito ang inihayag ni Agriculture Secretary William Dar bilang tugon sa pangamba ng grupo ng mga magsasaka sa ipinatutupad na polisiya ng pamahalaan sa pag-aangkat sa ibang bansa.

Ayon kay Dar, hindi niya nais na i-angkat ang lahat ng pangunahing pangangailangan sa bansa kundi gawin itong oportunidad bilang pinakahuling takbuhan para makapagdagdag ng suplay sa bansa.

Paliwanag ni Dar, layunin aniya nitong maabot ang 100 porsyento ng katatagan at seguridad sa suplay ng pagkain sa bansa.

Magugunitang, nananawagan ang grupong United Broilers Raisers Association (UBRA) sa DA na pansamantalang ipatigil ang importasyon ng manok sa bansa para mabawasan ang kumpetisyon sa mga local farmers.

Sinabi rin ng UBRA na inirekomenda umano ng Bureau of Animal Industry paglimita sa produksyon ng mga local poultry raisers na itinanggi na rin ng DA.

Categories
Posted on

Muling nagpositibo si Senate Majority Leader Juan Miguel Zubiri sa COVID-19.

Kinumpirma mismo ito ng senador.

Ito ang dahilan kaya hindi nakadalo ang senador sa ika-limang State of the Nation Address (SONA) ni Pangulong Rodrigo Duterte.

Tiniyak naman ni Zubiri na wala siyang nararamdamang sintomas ng nakakahawang sakit.

Bilang pag-iingat, sinabi ng senador na mag-i-isolate siya muli.

Matatandaang unang nagpositibo sa COVID-19 si Zubiri noong March 16 at gumaling noong April 12.

Categories
Posted on

Sa gitna nang kinakaharap na problema ng bansa tungkol sa COVID-19, sinabi ni Pangulong Rodrigo Duterte na mas mahalaga ang buhay kaysa sa ibang bagay.

Sa kanyang ika-limang State of the Nation Address (SONA), sinabi ng Pangulo na mas binigyan niya ng prayoridad ang buhay kaysa sa ibang sinasabi ng mga eksperto.

Kabilang sa agad na pinasalamatan ng Pangulo ang mga frontliners na lumalaban sa COVID-19.

Binanggit din ng Pa­ngulo na nakikidalamhati ang gobyerno sa pamilya ng mga nasawi dahil sa virus.

Anya, nasa magulong panahon ngayon ang bansa dahil sa virus na naging dahilan kaya nahinto ang pangarap na pag-unlad.

Hindi rin daw exemp­ted sa virus ang mga ma­yayaman at mahihirap.

Nagpahayag ng pag-asa si Duterte na matutuklasan na ang vaccine sa lalong madaling panahon.

Nilinaw din ng Pangu­lo na hindi pa rin niya papa­yagan ang face-to-face na klase ng mga estudyante hangga’t hindi nadidiskubre ang vaccine.

Isiniwalat din ni Duterte na kinausap niya si Chinese President Xi Jinping kaugnay sa COVID-19 apat na araw na ang nakalilipas at umapela siya na kung mayroon ng vaccine ang China ay unahing bigyan ang Pilipinas.

Samantala, umapela ang Pangulo sa Kongreso na ipasa ang Bayanihan to Recover As One katulad ng ginawa nilang pagpasa sa Bayanihan to Heal as One Act.

Sinabi rin ni Duterte na dahil sa mga ginawa ng gobyerno, naiwasan na umabot sa 1.3 milyon hanggang 3.5 milyon ang may impeksiyon.

Pero inamin din ng Pangulo na nahirapan ang gobyerno sa pagpapatupad ng Social Amelioration Program (SAP) kasabay ang babala sa mga oportunista na nagpabagal sa pagpapatupad ng programa.

Pinaiimbestigahan din niya sa DSWD at DILG ang reklamo ng ilang dri­vers na hindi nakatanggap ng kahit anong tulong mula sa gobyerno.

Pinasalamatan din ni Duterte ang mga local government units (LGUs) dahil sa kanilang sariling aksiyon na labanan ang COVID-19.

Categories
Posted on

Sumirit na sa mahigit 82,000 ang kumpirmadong kaso ng coronavirus disease 2019 (COVID-19) sa bansa.

Ayon sa Department of Health (DOH) pumapalo sa 1,657  ang nadagdag na kaso ng COVID-19 kaya’t umakyat na sa 82,040  ang kabuuang bilang ng tinamaan ng nasabing virus sa bansa.

Ito na ang ika 13 sunod na araw na nakapagtala ng mahigit 1,300 bagong impeksyon.

Kabilang sa mga lugar na nakapagtala ng pinakamataas na bagong kaso ng COVID-19 ang Metro Manila – 1, 017 ,Laguna – 89, Cavite – 38, Cebu – 31 at Rizal – 31.

Umakyat na rin sa 26,446 ang total recoveries matapos madagdag ang 359 na mga bagong gumaling sa nasabing sakit na pumatay na sa halos 2,000 katao nang madagdag ang 16 na bagong nasawi.

Nasa 53,649 ang naitalang aktibong kaso ng COVID-19 at patuloy na sumasailalim sa gamutan o quarantine.

 

Categories
Posted on

Niyanig ng magnitude 5.6 na lindol sa Davao Oriental, kahapon ng umaga.

Ayon sa Phivolcs, namataan ang episentro ng lindol sa layong 81 kilometers Southeast ng Manay bandang 11:12 ng umaga.

May lalim ang lindol na 59 kilometers at tectonic ang origin.

Bunsod nito, naramdaman ang mga sumusunod na intensities:

Intensity 3 – Manay, Davao Oriental

Intensity 2 – Davao City

Naitala naman ang instrumental Intensities sa:

Intensity III – Malungon, Sarangani

Intensity II – Alabel, and Kiamba, Sarangani

Intensity I – General Santos City; Koronadal City, and Tupi, South Cotabato

Sinabi ng Phivolcs na walang napaulat na pinsala sa lugar at karatig-bayan.

Ngunit, inaasahang makararanas ng aftershocks matapos ang pagyanig.

Categories