Posted on

Isang barangay sa bayan ng Tampakan sa South Cotabato isinailalim sa lock down matapos nagpositibo sa covid 19 ang isang pulis.

Tampakan, South Cotabato -Inilagay sa total lockdown sa loob ng walong araw ang ilang bahagi ng isang barangay  matapos magpositibo sa coronavirus disease 2019 (COVID-19) ang isang alagad ng batas.

Ayon kay Tampakan Mayor Leonard Escobillo, isinara nila ang apat na purok na nasa sentro ng Barangay Lambayong upang maisagawa ang contract tracing at maisalang sa agarang isolation ang lahat ng mga nakasalamuha ng lalaking pulis.

Sinabi ng alkalde na pinayagang umuwi sa kanyang pamilya ang pulis sa loob ng apat na araw pero natuklasan sa PCR test na nagpositibo ito sa COVID-19.

Categories
Posted on

Dalawang kasapi ng Bangsamoro Islamic Freedom Fighters o BIFF sumuko sa mga sundalo ng pamahalaan.

Dalawang mga miyembro ng Bangsamoro Islamic Freedom Fighters (BIFF) na kumukilos sa lalawigan ng Maguindanao ang sumuko sa mga sundalo ng pamahalaan.

 

Nakilala ang mga rebelde na sina Abubakar Kautin alyas Kumander Buba, field commander ng BIFF at high value target ng militar.

Kasama ni Buba na sumuko si Kautin Said.

Ayon 6th Infantry (Kampilan) Division spokesperson Lieutenant Colonel Edgardo Vilchez, sumuko ang dalawang BIFF sa tropa ng 40th Infantry Battalion Philippine Army sa GSK Pindatun Maguindanao.

Ang dalawang terorista ay matagal nang pinaghahanap ng militar at pulisya na nagtatago sa Liguasan Delta at mga tauhan ni Kumander Ustadz Karialan.

Dala ng mga rebelde sa kanilang pagsuko ang isang M16 Armalite rifle, isang M1 garand rifle, mga bala at mga magazine.

Nagpasalamat naman si 40th IB Commander Lieutenant Colonel Rogelio Gabi sa LGU-GSKP sa pamumuno ni Mayor Rafsanjani Ali na tumulong sa pagsuko ng dalawang terorista na gusto ng magbagong buhay at mamuhay ng mapayapa.

Categories
Posted on

Malaking tulong upang mapabilis ang pagsasagawa ng test sa mga covid 19 suspect ang ibinagay na dalawang real-time reverse transcription-polymerase chain reaction (RT-PCR) machines

Malaking tulong upang mapabilis ang pagsasagawa ng test sa mga covid 19 suspect ang ibinigay na dalawang real-time reverse transcription-polymerase chain reaction (RT-PCR) machines sa Southern Phippines Medical Center (SPMC).

Ayon kay SPMC medical professional staff chief Dr. Ricardo Audan, ang RT-PCR machines ang ininigay ng conglomerate San Miguel Corporation (SMC) at Ayala Group of Companies  namay kakayahang magapagsagawa ng  1,000 test samples.

Ayon Audan dahil sa pagsirit g kaso ng covid 19 sa davao region ay lubhang kailangan ang dagdag na RT-PCR machines para sa pagtukoy sa mga positive cases.

ang SPMC at Davao Regional Medical Center (DRMC) sa rehiyon ang accredited ng  DOH-Research Institute for Tropical Medicine ang may kakayahan magapagsagawa ng Covid-19 tests.

Categories
Posted on

Isang bomb expert ng Bangsamoro Islamic Freedom Fighters (BIFF) ang nadakip

Isang bomb expert ng Bangsamoro Islamic Freedom Fighters (BIFF) sa ilalim ng pamumuno ni Shiek Esmail Abdulmalik alyas Kumander Abu Toraife ang nadakip ng pinagsanib pwersa ng pamahalaan.

Nakilala ang suspek na si Norhasim Esmael alyas Momong Esmael, 25 anyos,may asawa at residente ng nasabing bayan.

Ayon kay Isulan Chief of Police,Lieutenant Colonel Modesto Carrera na nahuli ang suspek nang pinagsanib na pwersa ng Special Action Force, SAF Battalion, Sultan Kudarat Intelligence Unit, Ampatuan Intel Unit, Sultan Kudarat Highway Patrol Group at Isulan MPS sa Brgy Poblacion.

Si Esmael ang itinurong prime suspect sa pambobomba sa Isulan Sultan Kudarat noong 2018.

Nahaharap si Esmael sa 5 counts of complex murder with multiple frustrated murder na inisyu ng korte sa Isulan.

Sa kasalukuyan ay nakapiit na ang suspek sa costudial facility ng Isulan PNP at nakatakdang i-presenta sa korte ngayong araw.

Categories
Posted on

Tatlong bagong kumpimadong kaso ng covid 19 naitala ng Center for health and Development ng Department of Health 12.

Nadagdagan pa ng tatlo ang kumpirmadong  kaso ng covid-19 ang lalawigan  sa kabila ng mahigpit na pagbabantay ng mga otoridad at pagsasailalim sa mahigpit na quarantine at isolation protocols.

Batay sa datos na inilabas ng Center for health and Development ng Department of Health Region 12, tatlong positibong kaso ang nadagdag sa lalawigan kung saan lahat sila ay mula sa bayan ng Tupi.

Batay sa impormasyon, kabilang sa mga nagpositibo ay isang 35 anyos na lalaki na isang locally stranded individual mula sa Manila na dumating noong Hunyo 11, 45 anyos na seaman na dumating noong Hunyo 13, at pinakahuling naitala ang isang 58 anyos na OFW na sa kasalukuyan ay nasa isolation facility na.

Ngunit nasa maayos na kalagayan ang mga ito at hindi nakitaan ng anumang komplikasyon.

Matatandaang nagpalabas si Governor Reynaldo Tamayo ng isang executive order kung saan pinag-iingat ang lahat mula sa mga LSIs at OFWs na posibleng nagpositibo sa covid-19 nang dumating sa probinsya.

Categories
Posted on

Tagum City, Davao del Norte – Dalawa katao ang nasugatan matapos pagbabarilin ng dalawang hindi pa kilalang mga suspek

Tagum City, Davao del Norte – Dalawa katao ang nasugatan matapos pagbabarilin ng dalawang hindi pa kilalang mga suspek ang grupo nang magkaibigan na magdamag na nainuman sa Dagohoy Relocation, Barangay Canocotan,kahapon.

Kinilala ng Tagum City Police Station ang mga biktima na sina Jason Loretero, 35 at Alexander Paulino, 31 .

Habang masayang nagiinuman ang mga biktima kasama ang iba pang mga barkada ng bigla na lamang sila pinaulanan ng bala.

Matapos ang insidente agad na tumakas ang mga suspek at mabilis namang itinakbo sa ospital ang dalawang sugatang mga biktima.

Categories
Posted on

Lambayong, Sultan Kudarat- Sinira ng baha ang mahigit isang daang ektaryang sakahan at mga farm to market road kamakalawa na nagpahirap ngayon sa mga residente

Lambayong, Sultan Kudarat- Sinira ng baha ang mahigit isang daang ektaryang sakahan at mga farm to market road kamakalawa na nagpahirap ngayon sa mga residente.

Ang pagbaha ay dulot ng walang humapay na buhos ng ulan na nakaapekto rin sa mga karatig na mga bayan at sa lalawigan ng South Cotabato, Maguindanao at Cotabato.

Dahil malakas ang buhos ng ulan sa matataas na lugar tumaas ng husto ang tubig baha sa Allah River.

Dahilan dito, nanawagan na ng tulong ang mga residente sa lokal na gobyerno upang masolusyunan ang nasabing problema.

Samantala sa Brgy. Palo 19 ng Tampakan South Cotabato nagtulong-tulong ang mga residente para alisin ang makapal na lupa sa kalsada.

Itoy dulot naman ng naganap na land slide dahil parin sa walang humpay na buhos ng ulan kamakalawa.

Categories
Posted on

Dalawang lider ng new peoples army namay patong-patong na kaso dinakip habang nagsasagawa ng seminar.

General Santos City- Dalawang matataas na opisyal ng New People’s Army (NPA) ng Northern Mindanao Region at labing isa pang mga kasamahan nito ang nahuli ng mga otoridad.

Nagsanib pwersa ang Armed Forces of the Philippines (AFP) at Philippine National Police (PNP) matapos tumanggap ng ulat nag nagsasagawa ng seminar ang rebelde sa Mother Francisca Spiritual Center sa Barangay Lagao ng lunsod.

Kinilala ang dalawang lider na naaresto na sina Francis Madria alyas Kilat, 41, residente ng Malaybalay, Bukidnon; at Maria Limbaga Unabia alyas Del, 44, taga-Koronadal South Cotabato.

Ang mga itoy sinasabing may mga kasong multiple murder, frustrated murder, attempted murder at kidnapping.

Dinakip ang mga ito sa bisa ng warrant of arrests na nagmula kina Judge Isobel Barosso ng Malaybalay at Judge Vincent Rosales ng Cagayan de Oro.

Kasalukuyan namang iniimbestigahan ng PNP Anti-Cyber Group ang pitong cellphones; 10 laptop; i-Pod; 20 flash drives at 25 sim cards na nasabat ng mga otoridad sa naturang seminar house.

Hinuli din ng pulisya ang 11 kalahok ng seminar matapos ilihim sa mga kinauukulan na doon nagtatago ang mga pinaghahanap na NPA leaders.

Categories
Posted on

Apat na miyembro ng kriminal gang na kumain umano ng laman loob ng kanilang mga biktima napatay ng mga otoridad.

Midsalip, Zamboanga del Sur – Napatay ng mga pulis ang apat na mga miyembro ng kriminal gang na umanoy miyembro rin ng isang kulto na umano’y kumakain ng lamang-loob ng tao .

Naganap ang insidente alas-5:30 ng umaga kahapon nang magsagawa ng law enforcement operation ang pinagsanib na mga elemento ng Midsalip Municipal Police Station (MPS) sa pamumuno ni Sr. Inspector Kenneth Soon, Task Force Tugis ng Regional Intelligence Division (RID) 9, Regional Mobile Force (RMF) 9 laban sa mga suspek sa Brgy. Cumarom.

Nabatid na bitbit ang mandamiento de arresto laban sa mga suspek ay nagtungo sa lugar ang mga awtoridad upang arestuhin ang apat na miyembro ng kulto kaugnay ng kasong murder laban sa mga ito.

Ang grupo ay pinamumunuan nina Ramon Bantayan at Rondi Bantayan; pawang mga wanted at umano’y lider ng kulto.

Gayunman sa halip na sumuko ay nagpaputok ng baril ang mga armadong suspek na nagresulta sa palitan ng putok sa pagitan ng magkabilang panig.

Sinasabing ang mga suspek ay mga notoryus na miyembro umano ng kulto na umano’y kinatatakutan kaugnay ng ulat na kumakain ang mga ito ng atay at lamang-loob ng tao.

Patuloy naman ang operasyon laban sa iba pang miyembro ng grupo ng naturang kulto na nasa likod ng paghahasik ng karahasan sa nasabing lugar.

Categories
Posted on

Upang maiwasan na ang naganap na mga fish kill sa lawa ng Barangay Lake Seloton hinigpitan na monitoring ng provincial government at Office of the Municipal Agriculturist o OMAG.

Lake Sebu – Upang maiwasan na ang naganap na mga fish kill sa lawa ng Barangay Lake Seloton hinigpitan na monitoring ng provincial government at Office of the Municipal Agriculturist o OMAG.

Maliban sa monitoring isasailalim din ang  lawa sa Rehab Program ng Lake Sebu Rehabilitation Conservation and Development Program (LSRCDP) para linisin at alisin ang mga illegal na fish cages at water lilies sa lugar.

Napag-alaman, batay sa National Fisheries Code, nasa 10% lamang ng lake ang pinapayagang gamitin dahil sa patuloy ang ginagawang clean-up drive ng gobyerno sa nasabing lawa.

Matatandaan milyon-milyong halaga ng isda ang namatay dahil sa fish kill noong nakaraang mga buwan.

Categories