Basta Joy, ENJOY!
Ilulunsad ng GSIS sa susunod na linggo ang programang pautang para may maipambili ng laptop para sa mga estudyante at guro.
Ayon kay GSIS President Rolando Macasaet, P30,000 ang maaaring mautang ng miyembro para ipambili ng laptop at babayaran ito sa loob ng tatlong taon.
Sa pinakahuling survey ng Social Weather Station (SWS), tinatayang mahigit sa 5-milyong Pilipino ang nakaranas ng gutom o walang makain sa nagdaang tatlong buwan.
Batay sa SWS survey, 20.9% ng mga Pilipino ang minsan nang nakaranas na walang makain; mahigit 15% dito ang nakaranas ng “moderate hunger”, samantalang inilarawan ng mahigit sa 5% na “severe hunger” ang kanilang naranasan.
Pinakamataas na insidente ng gutom ang naitala sa Visayas at Mindanao, lalo na sa mga kabahayan na hindi nakapagtapos ng kahit elementarya lamang ang mga respondents.
Isinagawa ang survey sa may 1,555 adult Filipinos sa pamamagitan ng mobile phone at computer assisted telephone interview.
Ito ay bilang pagpapakita ng protesta sa kontrobersyal na bagong security law ng China sa Hong Kong.
Ang aksyon ay kinumpirma mismo ni British Foreign Secretary Dominic Raab sa kabila ng mga babala kaugnay ng posibilidad na paghihiganti ng China.
Inanunsyo rin ni Raab ang pagpapalawig hanggang sa Hong Kong ng umiiral na ban ng pagpapasok ng mga armas na tatlong dekada nang umiiral sa mainland China.
Magugunitang nagkalamat ang diplomatic relation ng China at UK bunsod ng bagong security law na itinuturing ng mga western countries bilang pagguho sa kalayaan ng mga mamamayan at human rights sa Hong Kong.
Batay sa mga ulat, hihiram ang pamunuan ng European Commission sa financial markets, habang ipamamahagi naman ang kalahati nito sa mga bansang miyembro ng EU na napuruhan ng nakamamatay na virus.
Ayon sa pamunuan ng EU, ang naturang pondo ay ilalaan sa pagtulong sa muling pagbabalik operasyon ng mga negosyo, reporma sa ekonomiya, at investment kontra sa mga paparating pang mga krisis.
Kasunod nito, ayon sa presidente ng European Council na si Charles Michel, ang naturang hakbang ng pamunuan ay para sa ikabubuti ng bawat miyembro, at ang muling pagbangon ng mga ekonomiya nito.
Inihain na sa Senado ang panukalang tuluyang ipagbawal ang paggamit ng single-use plastic straws at panghalo ng mga inumin o stirrers.
Sa Senate Bill 1866 ni Sen. Risa Hontiveros na tatawaging “The Plastic Straw and Stirrer Ban of 2018”, ipagbabawal ang lahat ng uri ng plastic straws at stirrers na gawa sa mga non-biodegradable material sa mga restaurants at iba pang uri ng establishments.
Aatasan din ang mga food service establishments at iba pang uri ng service providers katulad ng mga sari-sari stores na maglagay o mag-display ng signs na nasasabi sa mga customers tungkol sa “no plastic straw at strirrer” policy.
Naniniwala si Hontiveros na makakatulong ang panukala para mabawasan ang paggamit ng mga plastic na kalimitang nakakarating sa mga karagatan.
Sinabi pa ni Hontiveros na ang mga plastic straws at drink stirrers ay ikinokonsidera ng mga environmental advocates na mga “gateway plastics.”
Layunin din ng panukala na mabago ang ugali ng mga tao at makumbinsi ang mga ito na tigilan na ang paggamit ng mga plastic products na nakakasira sa kalikasan.
Pero papayagan naman ang mga food service establishments na magbigay ng straws sa mga taong nangangailangan nito dahil sa disability o medical condition.
Umakyat ang presyo ng ilang pangunahing bilihin simula nuong July 1.
Kabilang dito ayon sa Department of Trade and Industry ang ilang brand ng sardinas, beef loaf, meat loaf at corned beef na nasa 65 sentimo hanggang 1.45 ang itinaas.
Ilang brand ng evaporated at condensed milk ay tumaas din ng Piso hanggang 2 Piso at 50 sentimos naman ang itinaas ng isang brand ng sabong panlaba.
Sinabi ni Trade Undersecretary Ruth Castelo na ang mga nasabing brand ay hindi nagtaas ng presyo sa pagsisimula ng taon subalit kailangang itaas ang presyo dahil sa pagtaas din ng raw materials at iba pang factors.
Kasabay nito binalaan ng DTI ang mga grocery at supermarket sa pagtataas ng presyo ng mga naunang stock ng produkto na nabili nila sa murang halaga.
Naki-usap ang Bangko Sentral ng Pilipinas sa mga mamamayan na iwasan ang pag-share sa mga unverified reports kaugnay sa Philippine money.
Ginawa ng BSP ang paki-usap ng kumalat sa social media ang mga pekeng ulat kaugnay sa P10,000 banknotes.
Ayon sa BSP ang New Generation Currency (NGC) banknotes na inilabas nila ay anim na mga denominations lamang, tulad ng P1,000; P500; P200; P100; P50; at P20.
Kumalat sa Social Media ang desensyo ng mga barya ng 20 pesos hanggang 10,000 pesos.
NAGPAUNA na ang Department of Finance sa posibleng pagtaas sa 4.9 percent ng inflation rate ng bansa noong nakaraang buwan.
Ayon sa kagawaran maaring tumaas muli ang halaga ng mga pagkain lalo na ang mga gulay dahil sa mga pag-ulan noong nakaraang buwan.
Katuwiran ng DOF tumataas talaga ang halaga ng mga gulay sa tuwing papapasok ang panahon ng tag-ulan sa bansa.
Samantala, ang presyo naman ng mga isda at bigas ay nanatiling stable nitong nakalipas na buwan.
Tumaas naman ang presyo ng mga sigarilyo at nakakalasing na inumin kumpara sa presyo ng mga ito sa katulad na panahon noong nakaraang taon.
Noong June 2017 ang Inflation rate sa bansa ay 2.5 percent lang at noong nakaraang Mayo ay naitala ito sa 4.6 percent.
Ilalabas ang kabuuang detalye hinggil sa presyo ng lahat ng bilihin ngayon linggo.
Sinita ng Commission on Audit ang Bureau of Jail and Management dahil sa lumalalang kondisyon sa loob ng mga kulungan sa buong bansa.
Batay sa 2017 COA report, lumobo sa 612 percent ang occupancy rate sa mga kulungan sa Pilipinas.
Kung saan sumampa sa halos 150,000 ang populasyon ng mga preso na sobrang mataas sa mahigit 20,500 presong kapasidad lamang ng mga kulungan sa buong bansa.
Nakasaad din sa report na naitala ang pagtaas sa populasyon ng mga kulungan dahil sa pagdami ng drug relates cases at mabagal na pag-aksyon ng mga korte sa mga nakabinbing mga kaso.
Iginiit pa ng COA, maituturing nang paglabag sa United Nations Standard Minimum Rules for the Treatment of Prisoners at BJMP manual on habitat, water, sanitation and kitchen in jails ang naitalang matinding pagsisiksikan sa mga kulungan.
Dagdag pa ng COA, naitala rin sa loob ng tatlong taon ang tumaas na bilang ng mga inmates na nagkakasakit kung saan pumalo sa mahigit 57,000 kaso noong 2017.
Samantala naitala naman sa CALABARZON, Central Luzon at Region 9 o Zamboanga Peninsula ang mga pinaka-overcrowded o punong puno nang kulungan.
Pinaghahanda na ni Kabayan Rep. Ciriaco Calalang ang gobyerno dahil sa patuloy na pagbaba ng piso kontra dolyar.
Ayon kay Calalang , base sa pagtaya ng mga economic analysts, maaaring umabot pa sa P53 hanggang P54 ang palitan ng piso sa kada dolyar.
Anya magkakaroon ito ng apektado sa pagbagsak ng halaga ng piso sa singil sa krudo, pagkain, kuryente, tubig, mobile phone charges at internet services.
Ayon kay Calalang, para maiwasan ang mabigat na epekto ng pagbagsak ng piso ay maaaring magbigay ang pamahalaan ng shock absorber tulad ng tax amnesty para sa macroeconomic at sa consumer levels.