Posted on

Umakyat na sa 44 ang kumpirmadong kaso ng covid 19 sa buong lalawigan ng Cotabato matapos naitala ang isang bagong kaso kahapon.

Ayon kay Cotabato Inter-Agency Task Force on COVID-19 spokesperson BM Philbert Malaluan, ang ika- 44th na pasyente ay isang 31-year old na babae na taga Banisilan, siya ay isang Locally Stranded Individual (LSI) na dumating sa lalawigan sa pamamagitan ng Davao International Airport noong July 16 mula sa kalakhang manila.

Ang pinakahuling biktima ay naka-quarantine sa LGU Facility habang nasa pasilidad ay inubo at nilagnat noong July 20 kung kaya noong July 22 ay kinunan ito ng swab sample at lumabas sa resulta ay positibo ito sa covid 19.

Ang biktima ay isa nang asymptomatic at nasa stable condition, kasalukuyan namang nagsasagawa ng contact tracing sa mga nakasalamuha ng biktima.

Ang lalawigan ng Cotabato ang pinakamababa parin sa mga lalawigan sa Soccsargen Region ang nakapagtala ng kaso ng Covid 19 kung saan nangunguna ang  Souith Cotabato namay 70 kaso.

Categories
Posted on

Nadagdagan pa nang mahigit 1,800 ang bilang ng tinamaan ng Coronavirus Disease o COVID-19 sa Pilipinas.

Sa press briefing, sinabi ni Health Undersecretary Maria Rosario Vergeire na sa huling datos ng Department of Health (DOH) bandang 4:00, Miyerkules ng hapon (July 29), umabot na sa 85,486 ang confirmed cases ng nakakahawang sakit sa bansa.

Sa nasabing bilang, 56,528 ang aktibong kaso.

Sinabi ng kagawaran na 1,874 ang bagong napaulat na kaso ng COVID-19 sa bansa.

Nakuha ang mga datos mula sa 83 out of 91 licensed laboratories.

Nasa 16 ang napaulat na nasawi.

Dahil dito, umakyat na sa 1,962 ang COVID-19 related deaths sa bansa.

Ayon pa sa DOH, 388 naman ang gumaling pa sa bansa.

Dahil dito, umakyat na sa 26,996 ang total recoveries ng COVID-19 sa Pilipinas.

Categories
Posted on

Naging makasaysayan ang pagdiriwang ng World Nature Conservation Day sa Makilala, North Cotabato.

Ito ay dahil itinaon ang pagrelease sa kagubatan sa na- rescue na Philippine Eagle na pinangalanang “Makilala Hiraya”.

Pinangunahan ng Philippine Eagle Foundation, LGU Makilala, DENR XII, Energy Development Corporation at Brgy Officials ng Barangay Batasan ang pagpapakawala ng nasabing batang agila, bandang alas 10:00 ng umaga sa kagubatan ng Barangay Batasan.

Si Makilala Hiraya ay unang na rescue noong Hunyo 8, 2020 ng mga magsasakang sina Artemio Henilo, Joefrey Booc at Joel Arombo ng Purok 3a, Barangay Kisante, Makilala.

Ayon sa mga rescuers pinagtulungan ng aabot 20 na mga uwak ang agila kaya nahulog sa lupa.

Agad naman itong ipinagkatiwala sa Philippine Eagle Foundation para sa tamang paggamot at pangangalaga. Ang agila ay isang babae at tinatayang may edad na 3-4 taong gulang. Si Philippine Eagle “Makilala Hiraya” ay isang pruweba na buhay na buhay parin ang ecology at nasa tamang pangangalaga ang kagubatan ng bayan ng Makilala.

Categories
Posted on

Puspusan ang ginagawang road rehabilitation ng Provincial Engineering Office (PEO) sa iba’t ibang mga barangay sa unang distrito ng Cotabato.

Sa Barangay Sinawigan, Libungan, dalawang kilometro ang inayos na kalsada sa District 4 at anim na kilometro naman sa district 6.

Pinasalamatan  ni Brgy. Captain Vingson ang agarang aksyon ng PEO sa kanilang kahilingang road rehabilitation.

Samantala, ayon sa fleet monitoring team, nagsagawa rin ng road maintainance at graveling sa provincial road na tumatahak sa mga barangay ng Nicaan, Bao at Malitubog kamakailan.

Ipinagpatuloy rin ang pag semento sa daan na nagkokonekta sa Barangay Kiyaring, Banisilan.

Kahapon ay sinimulan na rin ang unang beses na  rehabilitasyon ng kalsada sa Sitio Helmet, Barangay Dado, Alamada.

Ang pagsasaayos ng mga  kalsada sa mga barangay partikular ang mga farm to market roads ay prioridad ni Governor Nancy Catamco bilang mahalagang bahagi ng kanyang programang food security na layong mas  paunlarin ang sektor ng agrikultura  sa lalawigan ng Cotabato.

Categories
Posted on

Inaprobahan ng Provincial Anti-Illegal Drugs Abuse Council (PADAC) sa pangunguna ni Gob. Nancy Catamco ang programa nito kalakip ang budget para dito.

Kalakip sa mga programang ito ay ang mga sumusunod: Support to Anti-Drug Enforcement, Support to Provincial Anti-Drug Abuse Council, North Cotabato Kontra-Droga Community Development, education and Prevention Program, Establishment of Provincial Treatment and Rehabilitation Center (Balay Silangan), Development of a Community Treatment Rehabilitation Program. Ang nilaang budget nito ay nagkakahalaga ng P44,653,000.

Nasa PADAC meeting din si WestMinCom Commander Lt. Gen. Cirilito Sobejana PA, BGen. Roberto Capulong AFP, PD DILG Ali Abdulah, PD PCol. Henry Villar, BM Onofre Respicio, BM Dulia Sultan, BM Jonathan Tabara, Mayor Susing Sacdalan, Mayor Pip Limbungan, Mayor Rene Robino, Mayor Jonathan Mahimpit, Mayor Cheryl Catamco, Mayor Vicente Surupia, Mayor Jean Dino Roquero, Russel Abonado, Jesus Alisasis, Romeo Araña, Vicente Sorupia Jr at VM Chris Cadungon ng antipas.

Categories
Posted on

Magsasagawa ng mas malalim na imbestigasyon ang Provincial Peace and Order Council (PPOC) sa operasyon ng paaralan ng Mindanao Interfaith Services Foundation Inc., (MISFI) sa lalawigan ng Cotabato.

Ito ay pagkatapos na nagpasa ng resolution si Mlang Mayor Russel Abonado sa pagpupulong ng PPOC na pinangunahan ni Gob. Nancy Catamco kahapon, na bubuo ng grupo na syang mangangasiwa sa pagsasagawa ng malalimang imbestigasyon sa operasyon ng MISFI.

Ang MISFI ay may mga paaralan sa Barangay Kisante Makilala, Brgy. Batang Tulunan, Brgy. Datu Celo Magpet, at Manarapan Carmen.

Ang hakbang na ito ay tugon na rin sa rekomendasyon ni 1002nd Brigade Commanding Officer Col. Potenciano C. Camba pagkatapos ng presentasyon nito tungkol sa Peace and Order situation ng lalawigan.

Ang nasabing paaralan umano ay nagtuturo ng mga idolohiya laban sa gobyerno at wala rin silang permit to operate.

Categories
Posted on

Nagpasalamat si Governor Nancy Catamco sa lahat ng ahensyang nagtulungan upang maihatid ng maayos pabalik sa North Cotabato ang mga Locally Stranded Individuals (LSI).

Sinabi ng Gobernador na malaking tagumpay ang dulot ng pagkakaisa ng mga ahensya upang maserbisyuhan ng tama ang mga mamamayan. 

Naghayag din ng kasiyahan ang Gobernador sa pabaon na cash assistance ng DSWD 12 sa mga drivers ng Partas Bus line na naghatid ng Locally Stranded individuals (LSI) sa probinsya.

Personal na namahagi ng assistance na tig 2,500 pesos sa pangunguna ni Ms. Rose Marie Alcebar, Provincial DSWD team leader.

Masayang tinaggap ng mga driver ang biyaya mula sa DSWD at ang pabaon na pagkain mula sa TF Sagip Stranded North Cotabateños.

Bago tuluyan lumisan sa wiwigan ng Cotabato, namili ang mga drivers na nang prutas sa mga nagtitinda sa tabi ng national highway.

Categories
Posted on

Malugod na tinaggap ng pamahalaang panlalawigan ng North Cotabato ang mahigit dalawang daan returning locally stranded individuals (LSIs) sa provincial capitol compound sa Kidapawan City.

Ayon kay Governor Nancy Catamco, walang ibang dapat tumanggap sa mga LSIs kundi sila dahil mga residente ito ng lalawigan.

Kasama ang mga nasabing LSIs sa mahigit dalawang daang indibidwal na pinauwi sa lalawigan ng Cotabato galing Metro Manila.

Matatandaang na-stranded ang mga nabanggit na indibidwal sa labin-dalawang bus ng Partas Bus Company at ni-rescue naman ng lokal na pamahalaan.

Ang mga ito ay agad naman na-turn over  sa kanilang LGU of Origin matapos sumailalim sa decontamination.

Categories
Posted on

NADAGDAGAN pa ng dalawa ang covid 19 SUSPECTED CASE sa bayan ng kabacan Cotabato dahilan umakyat na sa apat ang sinusubaybayang kaso.

Ang mga ito ay nakaquarantine na sa bayan at mahigpit na minomonitor ng RHU at BHERT.

Kaugnay nito, hinimok ni Kabacan Incident Commander at MHO Dr. Sofronio T. Edu, Jr. ang publiko na huwag ipagwalang bahala ang kampanya ng pamahalaan na sumunod sa mga ipinapairal na alituntunin at higit sa lahat ay palakasin ang immune system sa pamamagitan ng pagkain ng masusustansyang pagkain.

Samantala, pumalo na sa 1385 ang cleared habang nasa 175 naman ang nagpapatuloy sa kani-kanilang mga quarantine na mga locally stranded Individuals.

Categories
Posted on

Labing bagong kaso ng covid 19 ang naitala sa buong soccsargen kahapon dahilan upang sumampa na sa 246 ang kabuuang kaso.

Sa pinakahuling tala na inilabas ng center for health and development ng Department of health 12 alas kwatro kahapon pito mula sa nasabing bilang ang mula sa lalawigan ng south Cotabato, dalawa mula sa  lalawigan ng Sarangani.

Samantala, nai-ulat naman ang  apat na covid 19 patient ang gumaling tig dalawa mula sa lalawigan ng Cotabato at Sultan Kudarat.

Categories