Posted on

Pumalo na sa 36 ang kumpirmadong kaso ng covid 19 sa lalawigan ng Cotabato matapos naitala ang dalawang bagong kaso kahapon.

Ayon kay Covid-19 Task force at EOC Manager Board Member Dr. Philbert Malaluan ang ika-35 kaso ay isang  32 anyos na lalaki mula sa bayan  ng Midsayap.

Una itong na confined sa  Cotabato Regional and  Medical Center (CRMC) noong July 13 dahil sa  kidney/non-COVID reasons.

Ngunit noong July 23, nakaramdam ito ng hirap sa paghinga dahilan upang e swabbed ito  noong July 24.

Kasalukuyan itong  asymptomatic, nasa stable na kondisyon at nananatiling naka confined sa CRMC.

Ang ika-36 na kaso naman ay isang 35 taong gulang na lalaki na residente ng bayan  ng M’lang.

Isa itong Locally Stranded Individual (LSI) mula Cebu at na swabbed noong  July 28 bilang bahagi ng  requirements sa mga pasaherong bumababa sa  Davao International Airport.

Kasalukuyan rin itong  asymptomatic, nasa stable condition at naka  isolate sa  LGU Isolation Facility.

Tiniyak din ni BM Malaluan na kasalukuyan nang nagsasagawa ng contact tracing sa mga nakasalamuha ng mga ito.

Categories
Posted on

Pinagbabaril hanggang sa mapatay ng hindi pa nakikilalang mga gunmen ang dalawang magkapatid bandang alas 11:30 ng umaga kahapon, sa Zone 5, Barangay, Prebitero, Pigkawayan, Cotabato.

Kinilala ni Pigcawayan Police Chief Maj. Ivan Samoraga, ang mga biktima na sina Ariel Del Soccoro Ballescas, 40 anyos  na residente ng Presbitero at John Michael Del Soccoro Ballescas, 38 anyos na taga Tigbawan.

Nabatid sa inisyal na imbestigasyon, nagtatrabaho lamang umano ang dalawang magkapatid sa nasabing lugar ng biglang lapitan ng mga suspek at agad na  pinagbabaril.

Tinamaan sa iba’t ibang bahagi ng kanilang katawan ang mga biktima dahilan ng kanilang dagliang kamatayan.

Matapos maisagawa ang krimen ay mabilis na  tumakas ang mga salarin sa hindi malamang direksyon  gamit ang isang getaway vehicle.

Blangko pa rin hanggang ngayon ang mga otoridad at patuloy pang inaalam kung sino ang mga salarin at kung ano ang motibo sa naturang krimen.

Categories
Posted on

“GIVE BLOOD, SAVE LIVES.” Ito ang naging tema sa isinagawang blood letting sa City Hall na nilahukan ng mga empleyado ng City Government na boluntaryong nagdonate ng kanilang dugo para madugtungan ang buhay ng mga lubhang nangangailangan nito.

Isa ito sa mga highlight ng taunang pagdiriwang ng Blood Donation Month kada buwan ng Hulyo.

Isinagawa ang Blood Letting Activity ng City Government sa temporaryong City Blood Center sa City Pavilion.

Ginawa ng “institutionalized” ni City Mayor Joseph Evangelista ang City Government Officials and Employees Blood Letting activity kada buwan ng Enero at Hulyo simula noong taong 2013 upang mapunan ang suplay ng dugo sa nabanggit na pasilidad.

Patunay ito sa ilang taong pagkilala ng Department of Health sa Kidapawan City bilang consistent awardee sa National at Regional Sandugo Kabalikat Awards.

Isinailalim muna sa blood pressure monitoring, interview, blood typing, at medical check-up ang mga kalahok na opisyal at empleyado upang malaman ang kanilang pisikal at medikal na kakayahan na makapag donate ng dugo.

Maliban sa normal blood pressure na 120/80 o mas mababa pa, hindi bababa sa 50 kilograms ang timbang, kinakailangan din na walang nakakahawang sakit at iba pang underlying medical condition ang magpapakuha ng dugo, ayon pa sa pamunuan ng City Blood Center.

Pagkatapos ng blood donation program ay may libreng pagkain na inihanda ang City Human Resource and Management Office para sa lahat ng nagpakuha ng dugo para manumbalik ang kanilang sigla.

Nataon na ang Blood Donation Activity ay halos kasabay din ng inagurasyon ng bagong Php5 Million na Refrigerated Centrifuge ng City Blood Center na pinasinayaan ni Mayor Evangelista noong July 20, 2020.

Ang nabanggit na kagamitang medical ay siyang nagpo-proseso ng dugo patungo sa platelet concentrate na para sa mga pasyenteng nagkakomplikasyon sa dengue at packed RBC para sa blood transfusion ng iba pang pasyente.

Sa pamamagitan ng Refrigerated Centrifuge ay hindi na kailangan pang pumunta ang mga nangangailangan ng dugo o platelet sa iba pang lugar para kumuha nito.

Categories
Posted on

Isang daang pamilya mula sa tribu ng T’boli at Blaan sa Barangay Bacong, Tulunan Cotabato ang nabiyayaan ng bahay mula sa tanggapan ng National housing Authority o NHA.

Ang nasabing mga pabahay ay formal na naipamahagi sa  presensya ni Governor Nancy Catamco, Tulunan Mayor Reuel “Pip” Limbungan, Vice Mayor Maureen Villamor, mga miyembro ng Sangguniang Bayan at Barangay officials.

Nagbalik tanaw naman si Mayor Limbungan sa sakripisyo ng lahat at pag-aasikaso ng mga dokumento at kooperasyon ng homeowners at nang Presidente nito na si Gaudencio Ogit Jr.

Labis naman ang pasasalamat Barangay Chairman Victor Acac, sa lahat ng ahensya na tumulong sa kanila. Kanya rin hiniling ang dagdag pang kabahayan para sa mga residente na nangangailangan rin ng tulong.

Hiniling din ni Chairman Acac, Kay Gov. Catamco na maisaayos ang kanilang Farm to Market Road (FMR) dahil kabilang ito sa mga prioridad nila.

Agad naman itong tinugon ng Gobernadora kasama si Engr. Jun Duyungan ng Provincial Engineering office.

Sa panig ng NHA, sinabi ni NHA Regional Manager Engr. Erasme Madlos, na bukas ang kanilang tanggapan sa hiling ng pabahay, lalo na mula sa mga indigenous peoples o tribu dahil bahagi sila ng prayoridad ng pamahalaan na matulungan.

Categories
Posted on

May ipinadala nang recommendation ang sangguniang panlalawigan sa napa-ulat na paglabag sa ipinatutupad ng health protocol matapos nakauwi ang isang binata sa bayan ng Mlang Cotabato sakay ng ambulansya na nagpositibo sa covid 19.

Ang recommendation ay ibinigay sa Municipal Health Unit namay hurisdiksyon sa nasabing kaso.

Matatandaan bumuo ng committee of the whole ang SP upang imbestighan kung bakit isinakay ang nasabing binata sa ambulansya gayong hindi naman ito nakamanepest sa nasabing sasakyan.

Ang nasabing pangyayari ay nagdulot naman ng matinding pagkabahala sa mga mamamayan.

Categories
Posted on

Hindi lamang umano ang lungsod ng Kidapawan ang naquestioned ang kanilang ipinasang 2020 budget bagkus pati narin ang 15 mga bayan sa buong lalawigan .

Ayon kay Cotabato Vice Governor Lala Talinio Mendoza, hindi umano nasunod ng mga ito ang frame sa pagpasa ng budget kayat ibinalik nila ito sa mga local na mga pamahalaan upang maisa-ayos.

Matatandaan, isang resolution ang ipinasa ng sangguniang panlalawigan na kumukwesyon sa naipasang budget ng mga local na pamahalaan kabilang na ang lungsod ng Kidapawan.

Categories
Posted on

Ipinabatid ng National Commission on Muslim Filipinos NCMF kay pangulong duterte na ang July 31,2020 ay ang pagdiriwang ng Eid’l Adha ng mga mananampalatayang Muslim.

Ipinabatid nina National Commission on Muslim Filipinos NCMF Secretary Saidamen B. Pangarungan, katuwang si Bureau of Muslim Cultural Affairs Director Laman Piang CESO II, sa pangulong Rodrigo Duterte ang petsa ng nakatakdang selebrasyon ng Eid’l Adha Festival para sa mga mananampalatayang Muslim.

Kaugnay nito inirekomenda ng NCMF sa pangulo na ideklarang pista opisyal ang araw ng Biyernes, July 31,2020 ayon sa isinasaad ng RA 9849.

Categories
Posted on

Sinimulan na ng Department of Education Kidapawan School Division ang pilot test o dry run ng Radio Based Instruction (Plug and Play) sa Lapan Elementary School sa Sitio Lapan ng Barangay Perez

Mismong si City Schiil Division Supt. Omar Obas ang nangasiwa sa dry run upang makita ang mga dapat na gawin sa pagsisimula nang formal na pagbubukas ng klase sa Aug. 24,2020.

habang sumasagot sa kanyang klase, Kasabay ng pagsasagawa ng Learning Delivery Modalities inoobserbahan ni Obas kung papaano na-iintindihan ng mga mag-aaral ang mga itinuturo sa kanila.

Kasama sa mga nag obserba si Assistance Schools Division Supt. Jasmin Isla, District Supervisor Sherly Dua, ilang mga heads at mga observers mula sa Quality Assurance ng Division at Rehiyon at ilang mga Non-government Organization.

Ang kahalintulad ng aktibidad ay isinagawa din ng Dep-Ed Cotabato sa bayan ng Magpet Cotabato kahapon

Ang hakbang ay bahagi ng paghahanda ng kagawaran sa iba’t-ibang mga modalities na gagamitin sa pagsisimula ng klase sa Agosto 24.

Categories
Posted on

Nagsagawa ng Operation Timbangan Enforcement and Inspection sa bagsakan center ng bayan Alamada sa Brgy. Polayagan ang Local Government Unit katuwang ang Department of Trade and Industry (DTI) Negosyo Center.

Layon nito na maiwasan ang panloloko ng ilang mga market vendors sa mga kostumers dahil sa maling timbang ng kanilang binibili.

Sa kanilang pag-iikot, may ilang mga nagtitinda rito ang nahuli na gumagamit ng may maling sukat na timbangan na agad kinumpiska ng operating team at dadaan sa calibration.

Papatawan din ang mga nahuling market vendors ng multa dahil sa paggamit nito base sa Republic Act 7394 o ang Consumers Act of the Philippines.

Nanawagan naman ang DTI-Negosyo Center pati na ang lokal na pamahalaan ng Alamada sa mga mamimili na maging mapagmatyag sa mga mapanlinlang na mga market vendors at kung maaari ay sukating muli ang biniling produkto sa ibang timbangan.

Categories
Posted on

Sumailalim sa orientation ang mga department heads ng lokal na pamahalaan ng Pikit, Cotabato at sa Local Disaster Risk Reduction and Management Council (LDRRMC).

Pinangasiwaan ng Department of Social Welfare and Development XII ang pagsasanay para sa ikalawang yugto ng Kapit-Bisig Laban sa Kahirapan – Comprehensive and Integrated Delivery of Social Services (Kalahi-CIDSS) program.

Nagpahayag ng kagalakan sa pagtanggap ng naturang programa ang LGU pati na ang Sangguniang Bayan ng Pikit.

Anila, napapanahon ang Kalahi-CIDSS program ngayon dahil sa patuloy na pagharap ng bansa sa krisis na dulot ng pandemiyang COVID-19.

Ang Kalahi-CIDSS ay isa sa mga programang nasa ilalim ng Payapa at Masaganang Pamayanan (PAMANA) project ng Office of the Presidential Adviser on the Peace Process (OPAPP).

Layon nito na matulungan ang mga mamamayan ng bayan na nasa sektor ng mga mahihirap na pamilya.

Sa ngayon, pinaghahandaan na ito ng lokal na pamahalaan ng Pikit at inaayos na ang mga dokumentong kinakailangan upang masimulan ng ang nabanggit na programa.

Categories