Posted on

BUKAS NA PARA SA MGA ANAK O KAPATID NG mga Overseas Workers ang scholarship program ng Overseas Workers Welfare Administration o OWWA.

Layun ng programa na makapagbigay ng financial assistance sa mga kaanak ng Overseas Workers na nagnanais makapag-aral ng kolehiyo sa ilalim ng Overseas Workers Dependent Scholarship Program o ODSP.

Bukas ang programa para sa mga dependents ng Overseas Workers na sumusweldo ng hindi lalagpas sa USD 600.00 o Php30,000 kada buwan.

Ayon kay City Government PESO Manager Herminia Infanta, Target ng programa ang mga kaanak ng Overseas Workers na aktibong miyembro ng OWWA.

Ilan lamang sa criteria para mag-qualify sa ODSP ang isang dependent ayon rin sa Public Employment Services Office ng City Government ay ang mga sumusunod: Kapatid o anak ng isang active OWWA member; single at 21 taong gulang kung papasok pa lang sa kolehiyo at hindi lalagpas sa 30 taong gulang kung kasalukuyang naka enroll sa college na kumukuha ng baccalaureate o associate course sa kolehiyo o unibersidad; walang failing grade sa huling pinasukang eskwelahan o semester, at dapat regular student kung naka enroll na sa kolehiyo.

May programa din ang OWWA para naman sa mga anak o kapatid ng Overseas Workers na nagtataglay ng 85% General Weighted Average

o GWA sa lahat ng subjects sa ilalim ng Education for Development Scholarship Program, o EDSP.

Magkakapareho lang ang criteria ng OSDP ay EDSP.

Ang kaibahan lang ay Php 20,000 kada school year ang financial assistance na binibigay ng OWWA sa mga iskolar sa ilalim ng ODSP samantalang Php 60,000 naman para sa mga EDSP Scholars.

Sa mga interisadong maging scholar ng OWWA, agad makipag ugnayan sa PESO na matatagpuan sa unang palapag ng gusali ng City Hall para sa kaukulang impormasyon.

Categories
Posted on

Bayan ng Aleosan Cotabato nakapagtala ng kauna-unahang kaso ng Covid 19 kahapon, bilang ang covid 19 sa region 12 sumampa na sa 231.

Pumalo na sa 231 ang bilang nang kaso ng covid 19 sa soccsargen region matapos naitala ang 12 bagong kaso kahapon ng Center for health and Development ng Department of health 12.

Mula sa nasabing bilang pito rito ay mula sa lalawigan ng Sultan Kudarat, lima ay taga Tacurong, Isa ang taga Esperanza at isa naman mula sa bayan ng Lambayong.

MUla sa 12 bagong kaso ang isa ay mula sa lalawigan ng Sarangani at ang isa naman ay taga lalawigan ng Cotabato.

Ini-ulat din ng Covid 19 tracker ang paggaling ng apat na mga pasyente dahilan upang pumalo na sa 105 ang mga gumaling.

Nakapagtala ng unang COVID-19 positive patient ang Aleosan, Cotabato kahapon July 27, 2020.

Base sa inilabas na impormasyon ng Cotabato Inter-Agency Task Force on COVID-19, ang naturang pasyente ay isang 23-anyos na lalake na patuloy na inaalam ang travel history nito.

Kasalukuyan naka-admit ang pasyente sa Cotabato Regional and Medical Center (CRMC) sa Cotabato City at nilinaw na hindi ito dahil sa COVID-19.

Ito na ang ika-34 na COVID-19 patient na naitala sa lalawigan kung saan 11 ang naka-recover, 2 ang namatay at 21 ang patuloy na nagpapagaling sa mga isolation centers o kaya naman ay sa ospital.

Samantala, sa 1st district ng Cotabato, tanging ang bayan na lamang ng Alamada ang walang naitalang COVID-19 patient.

Categories
Posted on

Nagkaisa ang mga local government officials at mga residente sa tatlong municipalities at 104 barangayas nang lalawigan para tuldukan na ang isinasagawang karahasan ng mga Local Terrorist at New Peoples Army (NPA) na nag-ooperate sa kanilang lugar.

Sa isang Mass Condemnation ceremony na isinagawa kamakaylan sa Ditsaan-Ramain Multi-Purpose Complex, Brgy Ramain Proper, Mariing kinondena ng mga Local Chief Executives ng Ditsaan-Ramain, Bubong, at Buadiposo-Buntong ang mga terorista at idiniklarang persona non grata, ibig sabihin walang puwang sa kanilang bayan ang mga komunistang NPA at mga local terrorist group.

Naglabas ng resolution ang mga nasabing bayan para bumuo ng Municipal and Barangay Task Force in Ending the Local Communist Armed Conflict (TF-ELCAC).

Dumalo sa nasabing event ang mga opisyal ng militar na pinangunahan ni 82nd Infantry Battalion Commanding Officer Lt Col. Rafman Altre.

Ikinatuwa ng militar ang naging hakbang ng mga LGUs na nakikiisa sa militar para mapanatili ang peace and order sa kanilang mga bayan.

Categories
Posted on

Determinado ang pamahalaang panlalawigan ng Cotabato na e-develop ang natatanging underground river na matatagpuan sa liblib na lugar ng Brgy. Malagap, Banisilan, Cotabato.

Mismong si Cotabato Governor Nancy Catamco kasama ang mga opisyal ng provincial tourism office at iba pang mga opisyal ng lalawigan ang personal pinuntahan ang nasabing tourist destination ng lalawigan.

Ang tugon ay ginawa ni Catamco matapos hilingin ni Malagap Brgy. Kapitan Carlos Benedicto na kilalanin bilang tourism destination ang ilog.

Gusto ng Gobernadora na personal na makita at maranasan ang tatahakin ng mga turista patungo sa underground river kay pinangunahan nito ang pagtungo sa nasabing lugar.

Laking pasalamat naman ni Kapitan Benedicto nang pinaunlakan ng Gobernadora ang kanyang imbitasyon.

Inaasahan ang serye ng pulong sa pagitan ng Tourism Division, BLGU, Provincial Engineering, MLGU at PPDO kasunod ng aktibidad.

Categories
Posted on

Php 400 kada bata na naka enroll mula sa Kindergarten hanggang Grade 12 ang sakop ng PTA Subsidy.

Matapos nakapagtala ng  99.73% NA ENROLLMENT RATE ang City Schools Division ng Department of Education sa lahat ng pampublikong paaralan sa Kidapawan City Naglaan ng mahigit sa Php 15 Million ang City Government bilang Parents Teachers Association subsidy sa mga public schools ngayong school year 2020-2021.

Php 400 kada bata na naka enroll mula sa Kindergarten hanggang Grade 12 ang sakop ng PTA Subsidy.

Dito na kukunin ang pondo para sa mga development projects, learning devices at iba pang proyekto sa mga pampublikong eskwelahan.

Nakabase ang talaan sa ulat na ipinasa ng DepEd kay City Mayor Joseph Evangelista kamakailan lang.

Mula sa 38,534 na mga mag-aaral na naka enroll sa walumpo at apat na mga public elementary at high schools sa Kidapawqn City noong SY. 2019-2020, nasa 38,431 ang bilang nito para sa kasalukuyang academic year.

Magiging ‘ blended’ learning ang sistema ng pagtuturo ng mga guro bilang pagtalima na rin sa mga pinaiiral na quarantine protocols kontra Covid19.

Posibleng gawin muna ang klase sa pamamagitan ng online learning gamit ang internet, modular o printed devices na ibibigay sa mga estudyante para pag-aralan at sagutin habang nasa bahay, at broadcast learning gamit ang mga istasyon ng radyo at telebisyon.

Matatandaang nagsagawa ng online enrollment ang DepEd sa buong bansa nitong June 1- July 15, 2020 dala na rin ng banta ng pandemya sa mga guro, magulang at sa mismong mga mag-aaral.

Sa datos ng City DepEd, may ilang mga pampublikong eskwelahan na nakapagtala ng lagpas sa 100% enrollment rate.

Pinakamalaking natala sa secondary schools kung percentage ang basehan ay ang Perez NHS na may 134.95% at Rey Buenaventura A. Sabulao MES na may 123.50% para sa elementary.

Ganun din ang Datu Sumin IP School na nakapagtala ng 135.14%.

100.91% naman ang naitalang enrollment rate ng Kidapawan City National High School na siyang pinakamalaking pampublikong eskwelahan sa lungsod.

Mula sa bilang na 8,109 na mag-aaral mula Grade7-12 noong SY 2019-2020, nasa 8,183 ang nag-enroll ngayong school year 2020-2021.

Patuloy naman ang panawagan ng City Government at ng DepEd sa ibang pang mga magulang na i-enroll na ang kanilang mga anak.

Umaasa ang DepEd na magsisimula ang klase sa lahat ng pampublikong paaralan sa buong bansa sa August 24, 2020.

Categories
Posted on

TULOY NA ANG pamimigay ng Overseas Workers Welfare Administration ng Earthquake Calamity assistance sa 2,265 na mga Overseas Workers ng lungsod.

Ayon kay City Government PESO Manager Herminia Infanta, Naka-schedule ang pamimigay ng earthquake assistance sa August 5, 7, 11, 12 at 13, 2020 alas nuwebe ng umaga hanggang alas kwatro ng hapon sa City Gymnasium.

Isa ang Kidapawan City sa pitong Local Government Units sa probinsya ng Cotabato na naapektuhan ng nangyaring lindol noong Oktubre 2019 kung saan ay na-validate ng OWWA na may mga Overseas Workers na nasiraan ng mga tahanan at iba pang ari-arian.

3,337 ang kabuoang bilang ng mga Kidapawenyo Overseas Workers na navalidate ng OWWA kung saan ay nauna ng tumanggap ng cash assistance ang may 1,072 noong Nobyembre 2019.

ayon sa PESO, Naantala ang pamimigay ng cash assistance dahil na rin sa Covid19.

Magpapalabas ng mga pangalan ng beneficiaries kada barangay ang PESO kalakip na ang petsa kung kailan nila matatanggap ang Php 1,500- Php 3,000 na cash assistance.

Ipagbibigay alam din ng opisina ni Infanta sa mga barangay at purok officials ang schedule sa susunod na linggo.

Istriktong ipatutupad ang schedule kung kailan dapat i-claim ang ayuda bilang pagtalima na rin sa minimum health protocols kontra Covid19 upang masegurong hindi mapupuno ang City Gymnasium at natitiyak na may physical distancing at pagsusuot ng face mask ng lahat ng beneficiaries.

Yun lamang mga Overseas Workers o kanilang immediate families na siyang nagproseso ng cash assistance ang pinapayagang kumuha ng tulong pinasyal.

Ipakita lamang ang valid id sa opisyal ng OWWA XII at PESO na mangangasiwa sa release ng cash assistance sa petsa ng kanilang schedule.

Categories
Posted on

Binata na dumanas ng sobrang depression habang nasa evacuation center sa bayan ng Makilala Cotabato nagpakamatay.

Patuloy ang isinasagawang malalim na imbestigasyon ng Makilala PNP sa naganap na pagpapakamatay ng isang 22 anyos na binata sa evacuation center ng sitio flortam, Barangay Batasan kahapon.

Ang bangkay ng biktima nasi Jojo Malagante Banggat, taga sitio Kapatagan Barangay Luayon ay natagpuang nakabitin bandang alas 3:30 ng madaling araw.

Depression ang isa sa anggulong tinitingnan ng mga mga otoridad sa kanilang  imbestigasyon.

Ayon sa kapatid nito nasi Hazel Banggat nakaranas ng depression ang biktima.

Matatandaan nonog nakaraang taon pa nanatili sa evacuation center ang pamilya nang biktima makaraang nasira ang kanilang tahanan dahil sa naranasang malakas na lindol.

ito ang pangalawang kaso ng pagpapakamatay ng bakwit sa evacuation center sa bayan ng Makilala Cotabato.

Categories
Posted on

Nakapagtala ng 15 bagong kaso ng covid 19 at tatlong recoveries ang SOCCSKSARGEN Region kahapon

Ito na ang pinakamatas na kaso ng covid 19 ang naitala ng rehiyon dahilan upang sumampa na sa 219 ang kabuuang kaso.

Batay sa datos ng Regional COVID-19 tracker inilabas alas 6:00 kagabi sa 15 bagong kaso naitala sa lalawigan ng Sarangani ang 11 bagong kaso at ang apat naman ay nagmumula sa General Santos City.

Ang mga nakarecover naman ay mula sa  lalawigan ng South Cotabato.

Ang lahat na mga nagpositibo ay umuwing mga Locally Stranded Individual at retuning Overseas Filipino simula July 8 hanggang July 16,2020.

Mula sa 219 na kaso ngangunguna parin ang lalawigan ng Sarangani ang may pinakamataas na bilang kung saan sumampa na sa 57 ang kabuuang kaso sampo dito ay mga nakarecover, Sumunod ang South Cotabato namay 40 kaso at 31 ang nakarecover, Ang lalawigan ng Cotabato at Sultan Kudarat ay may kaparehong bilang na kaso na 33 , 11 ang recoveries ng lalawigan ng Cotabato at 25 naman ang sultan Kudarat.

Sa mga lungsod naman 30 na ang naitala sa Gensan at lima ang nakarecover, samantalang 26 naman ang Cotabato City at 19 ang nakarecover.

Sa mga fatalities nanatiling apat ang bilang nang mga namatay.

Dahilan dito patuloy naman ang paala-ala ng kagawaran ng kalusugan sa lahat ng mga mamamayan na sundin ang mga pina-iiral na mga minimum health protocols gaya ngpagsuot ng face mask, paghuhugas ng kamay at pag-obserba sa Physical distancing.

Categories
Posted on

Pinaniniwalaang biktima ng “summary execution” ang natagpuang bangkay ng lalaki sa liblib na bahagi ng barangay Sikitan Kidapawan City kahapon.

Nabatid sa imbestigasyon ng City PNP nakarinig ng putok ng baril ang mga residente bago natagpuan ang bangkay na itinapon ng hindi pa kilalang suspek sa madilin na bahagi ng lugar.

Ang bangkay ay nagapos ang dalawang mga kamay at nakabalot ng masking tape ang bunganga nito.

Ayon kay City Chief of Police Lt. Col. Ramil Hojilla nagpapatuloy pa ang kanilang ginawang imbestigasyon at pangangalap ng  impormasyon.

Categories
Posted on

Pinag-iingat ng mga otoridad ang mga mamamayan na lungsod na mag-ingat sa mga masusukal na lugar dahil baka matuklaw ng ahas.

Itoy kasunod ng pagkasawi ng isang 21-anyos na college student matapos matuklaw ng cobra (Banakon) sa Barangay Paco, Kidapawan City alas-4:00 ng hapon noong Martes.

Nakilala ang biktima nasi Harold Jay Abrenica, 2nd year student ng University of Southern Mindanao – Kidapawan City Campus at residente ng Sitio Santa Cruz Purok Santol.

Nabatid mula sa mga kamag-anak ng biktima na nagtungo ito sa bukid upang kunin ang alagang kambing nang tuklawin ito ng ahas na nakatago sa damuhan.

Agad namang hinugasan ng biktima ang sugat sa kaliwang paa nito at isinugod ng kaanak sa Cotabato Provincial Hospital upang turukan ng anti-venom.

Hindi umano tumalab ang itinurok na gamot  kayat inilipatn ito  sa Southern Philippines Medical Center o SPMC sa Davao City ngunit alas-6:00 kahapon ng umaga ay tuluyang binawian ng buhay ang biktima.

Categories