Posted on

Local News – Kidapawan City Disaster Risk Reduction and Management Office

TARGET ng Kidapawan City Disaster Risk Reduction and Management Office CDRRMO na bumuo ng Emergency Response Teams sa pitumpo at pitong public elementary at secondary schools sa lungsod.

Layun nito na maturuan ang mga bata na agad makatugon sa panahon ng sakuna at kalamidad na pwedeng mangyari sa mga paaralan.

Bahagi ng Public Safety programs ni City Mayor Joseph Evangelista ang nasabing hakbang ng CDRRMO na planong ipatutupad ngayong buwan ng Hulyo at Agosto.

Sasanayin ng CDRRMO at Philippine Red Cross ang mga bata sa basic emergency response lalo na ang pagbibigay ng first aid sa kanilang mga kaklase na maaring masaktan sa panahon ng aksidente at kalamidad.

Una ng nagtalaga ng DRRM focal persons kada eskwelahan ang DepEd na magiging kaagapay ng City Government sa programa.

Apatnapung mga bata kada eskwelahan ang planong sasanayin para sa pagbuo ng mga Emergency Response Teams.

Nanawagan naman ang City LGU sa lahat ng ibayong pag-iingat ngayong ginugunita sa buong bansa ang Disaster Awareness Month.

Mahalaga ang kaalaman at vigilance ng bawat isa upang makaiwas na masaktan sa panahon ng aksidente at kalamidad.

Nakatuon ang paggunita ng disaster awareness month sa pagbibigay kaalaman sa lahat bago, habang nagaganap at pagkatapos ng aksidente at kalamidad.

Tema ng 2018 Disaster Awareness Month ay “KATATAGAN SA KALAMIDAD ay Makakamtan Kapag Sapat ang Kaalaman at Kahandaan.

Categories
Posted on

Local News – Operasyon upang mapuksa ang mga lamok

Ikinasa ng pamahalaang lungsod ng Kidapawan simula ngayong buwan ng Hulyo ang malawakang fogging operations .

Gagawin ang operasyon upang mapuksa ang mga lamok na nagdadala ng dengue virus sa mga eskwelahan at komunidad, ayon pa sa pamunuan ng City Disaster Risk Reduction and Management Office o CDRRMO na siya ring magsasagawa ng fogging operations.

Unang gagawin ang operation sa mismong City Hall Complex sa buong araw ng Sabado July 7, 2018.

Mismong mga tanggapan ng City Hall ang bubugahan ng kemikal upang mapuksa ang mga lamok kasama na ang mga itlog nito.

Sa mga pampublikong eskwelahan naman, payo ng CDRRMO sa pamunuan nito na magsumite lamang ng requests sa kanilang opisina para sa pagsasagawa ng fogging.

Hindi natuloy ang planong pagsasagawa sana ng malawakang fogging sa mga public schools noong kasagsagan ng Brigada Eswelaha dahil na rin sa mga pag-ulan, paglilinaw pa ng CDRRMO.

Planong isasagawa ang fogging sa panahon na tapos na o walang klase ng hindi malanghap at makasama ang mga kemikal sa mga estudyante at guro.

Patuloy naman ang panawagan ng City Government sa lahat na ugaliing maglinis ng madalas sa mga tahanan, eskwelahan at komunidad ng maiwasan ang paglanagap ng dengue. 

Categories
Posted on

Local News – Purok 1 Singkatulan Makilala, North Cotabato

Palaisipan sa mga otoridad kung papaano napatay  ng isang Indian National ang kapwa nito habang magkaangkas sa motorsiklo sa Prk 1 Singkatulan Makilala alas 11;45 ng umaga kahapon.

Kinilala ni Matalam Chief of Police PCI John Rick Medel ang biktima nasi Dhaliwal Jaswinder , 28yo, binata negosyante at nakatira sa baragay Sudapin Kidapawan City.

Nabatid sa imbestigasyon ng pulisya magkaangkas ng motorsiklo ang dalawa at habang binabaybay ang daan ng biglang pumutok ang baril na dala ng kanyang kasamang si Harpreet Singh isang Indian National.

SA leeg tinamaan ang biktima na mabilis namang itinakbo sa ospital subalit ideneklara itong dead on arrival ng attending physician.

Nasakustudiya na ng Makilala PNP si Singh habang nagpapatuloy ang  imbestigasyon.

Categories
Posted on

Local News – Motorista sa lalawigan ng Cotabato

Patuloy ang panawagan ng mga otoridad sa mga motorista sa lalawigan ng Cotabato na maghinay-hinay sa pagmamaneho para iwas disgrasya.

Kahapon dalawa katao ang nasawi samantalang 10 katao naman ang sugatan sa magkakahiwalay na aksidente sa daan.

dakong ala-1:00 ng madaling araw nang magsalpukan ang dalawang motorsiklo sa Kidapawan-Ilomavis Tourist Rd, Brgy. Sudapin.

Sa lakas ng impact dead-on-the-spot dalaga na rider nasi si Chin Lee Galvez Treyes, 18, ng Samonte Subd. at idineklarang dead-on-arrival sa ospital ang nakasalpukan nito na si Mosatar dela Cerna, 29, taga Kibia, Matalam Cotabato.

Walo katao naman ang sugatan kabilang ang dalawang drayber nang magsalpukan ang dalawan van sa bahagi ng Brgy. Binoligan, Kidapawan highway noong Sabado ng gabi.

Patungong Cotabato ang isang Van namay anim na  mga pasahero na minamaneho ni Alan Rex Serapion, 36, habang ang kasalubong nitong van na patungo naman ng Davao area na minamaneho ni Bhong Tembal Takbir, 46.

Samantala sa Makilala, Cotabato, sugatan din ang dalawa katao nang magsalpukan ang dalawa pang motorsiklo.

Kinilala ang mga biktima na sina Antonio Feria Gajeton, 51, at Arnel Badana Pecaña, 40-anyos.

Categories
Posted on

Local News – Pikit, North Cotabato

Aabot sa mahigit isang daang ibat-ibang uri ng malalakas at short firearms ang isinuko ng mga mga residente mula sa 42 barangay ng bayan ng Pikit Cotabato kahapon.

Sa isinagawang turn-over ceremony kahapon personal na iniabot ni Pikit Mayor Sumulong Sultan ang ibat-ibang kalibre ng mga baril kay 6ID ID Phil. Army Commanding General BGen. Cirilito Sobejana, na sinaksihan din nina 602nd Brigade comdr Col Rosario, Cotabato provincial Police Director PC SUPT Marcelo Morales, 7IB Phil. Army Battalion Commander at Pikit Chief of Police Chief Insp. Romy Castañares at iba pang mga lokal na mga opisyal.

Ayo kay Pikit Mayor Sumulong Sultan makakatulong ng malaki ang pagsuko ng mga armas ng mga residente sa pagpapanatili ng kaayusan at kapanatagan ng bayan.

Ang bayan ng Pikit COtabato ay isa sa mga bayan sa lalawigan namay mataas na kaso ng patayan dahil sa away pamilya o rido.

Categories
Posted on

Matalam North Cotabato

Patuloy na pinaghahanap ng mga otoridad si Alyas Panoy Bakang Roquero, 25-anyos, may asawa at residente ng barangay Taguranao Matalam Cotabato.

Si Roquero ang itinurong suspek sa pagpatay kay Ludie Bueno Perla, 32-anyos, laborer sa Upper Proper, Brgy. Taguranao, Matalam, North Cotabato.

Nabatid sa imbestigasyon ng Matalam PNP, masayang nag-iinuman sa isang bansuhan o saw mill na pag-mamay-ari ni Alyas Bebot Bayjon ang mga ito.

Nagkaroon umano ng di pagkakaintindihan ang dalawa hanggang sa humantong sa mainitang pagtatalo at sinaksak ni Roquero si Perla.

Inundayan nito ng saksak ang biktima hanggang sa mapatay.

Mabilis namang tumakas ang suspek na ngayon ay patuloy na pinaghahanap ng Matalam PNP.

Categories
Posted on

Mlang North Cotabato

Pinaalalahanan ngayon ng mga ototirad ang mga magulang na may mga maliliit na anak na bantayan ang mga ito at huwag hayaan na lalabas ng bahay ng walang kasamang mas nakakatanda.

Itoy kasunod ng pagkakamatay ng isang tres anyos na bata sa Magallon B, Brgy. Bialong sa bayan ng Mlang kamakalawa ng mahulog ito sa irrigation canal.

Ang biktima nasi Rogelio Pedoy III, 3 taong gulang, ay nahulog sa irrigation canal ng hindi namalayan ng mga magulang.

Paalala ng mga otoridad, bantayan ang mga kabataan huwag hayaang tumawid sa mga irrigation kanal, sapa maging sa mga balon upang makaiwas sa ganitong pangyayari.

Categories
Posted on

Kidapawan City

Nagdulot ng takot sa ilang mga residente ng Kidapawan City ang isang naiwang bag sa police box na nasa overpass ng Quezon Boulevard sa siyudad.

Agad namang rumisponde ang mga kasapi ng K9 unit ng lungsod at siniyasat ang naturang bag at nabatid na negatibo ito sa anumang pampasabog.

Nabatid na ang laman ng nasabing bag ay notebook, sling bag, shirt at iba pang personal na mga gamit.

Sa kabila nito ay nagpasalamat pa rin ang mga otoridad sa pagiging alerto ng mga residente sa lugar upang maiwasan ang mga hindi inaasahang insidente.

Categories