Land transportation office 12 maglalabas na ng mga bagong plaka ng mga four wheeled vehicle

Itinakda na ng Land Transportation Office (LTO)-12 ang inisyal na releasing ng plaka ng mga may-ari ng four-wheeled motor vehicle na nagparehistro noong Hulyo 1-31, 2016.

Batay sa plano sisimukan ang pagrelease ng mga plako saHulyo 5-13, 2018 para sa mga nagparehistro ng kanilang sasakyan noong Hulyo 1-10, 2016.

Sa Hulyo 16-20, 2018 naman ang para sa mga nagparehistro noong Hulyo 11-20, 2016 at Hulyo 23-31 maaring ma-claim ang mga nagparehistro noong Hulyo 21-31.

Pinayuhan naman ang mga kukuha ng bagong plaka na pumunta lamang sa bagong registration unit ng LTO-12 sa Home Trio Dormitel Building, Bonifacio Street, Koronadal City.

Dapat dalhin din ang mga dokumento gaya ng original official receipt (OR), original certificate of registration (CR), valid ID, at para sa mga authorized representative, magdala lamang ng special power of attorney.