Apat katao ang napatay kabilang ang dalawang security guards habang lima pa ang nasugatan at 18 ang naaresto matapos naganap ang engkuwentro sa Purok 6, Barangay Mabuhay.

Apat katao ang napatay kabilang ang dalawang security guards habang lima pa ang nasugatan at 18 ang naaresto matapos naganap ang engkuwentro sa Purok 6, Barangay Mabuhay,.

ayon sa Carmen Municipal Police Station,nagsimula ang labanan ng salakayin nang nasa 80 na armadong lalaki ang banana plantation na pagmamay-ari ng pamilya Puyod, bandang alas-8:30 ng umaga.

Sa nasabing sagupaan, minalas na masawi ang dalawang guwardya ng plantasyon na sina Kenneth Cabasingan, nasa hustong gulang, residente ng Mabini, Davao De Oro at Erben Rosalin, may asawa at taga-Brgy. Panibasan, Maco, Davao De Oro; kapwa nasa ilalim ng Cross Fire Security Agency.

Dalawa rin ang nasawi sa panig ng mga armadong grupo, lima ang nasugatan at 18 ang mga naaresto.

Kinilala ang mga napatay na mga suspek na sina Alijo Ecat Villa, 69, may asawa at taga-Purok 5, Brgy. Manay, Panabo City na idineklarang dead-on-arrival sa Rivera Medical Hospital, Panabo City at Jun Ortega ng New Israel, Makilala, North Cotabato.

Patuloy namang nilalapatan ng lunas sa Davao Regional Medical Center sa lungsod ng Tagum ang mga sugatan na sina Angelito Balaga Suarez, 39; Marjon Villa Adlaon, 33; Carpio Ecat Villa, 48; Leon Villa Dumanda, 59, at Flavio Censico Villa, mga obrero at residente ng New Israel, Makilala.

Sinabi ni Carmen Municipal Police Station Chief P/Major Jay Nocidal, ang sumalakay na mga armadong grupo ay unanh naharang ng mga guwardya noong buwan ng Enero at muling umatake nitong Miyerkules.

Nagsasagawa pa ng imbestigasyon ang pulisya sa motibo sa pag-atake at engkuwentro.