Sa Marantao, Lanao del Sur – Patay ang isang police officer habang nagmamaneho ng kanyang motorsiklo sa bahagi ng Narciso ramos Highway, Brgy. Ragayan, matapos tambangan ng dalawang suspek na paherong nakamotorsiklo alas-7:00 ng umaga kamakalawa.

Kinilala ni Lanao del Sur Police Provincial director Col. Madzgani Mukaram ang biktima na si Staff Sgt. Alicman Sangcopan, 46, miyembro ng Kapai Municipal Police pero nakatalaga sa Marawi City Police Station.

ayon kay Mukaram dead-on-the-spot ang biktima dahil sa fatal na tama ng bala mula sa .45 caliber pistol ang tinamo nito.

Hindi pa batid ng pulisya ang motibo ng pagpatay sa nasabing pulis at hindi naman ginalaw ng mga suspek ang kanyang service firearm.