Ilalapit kay Pangulong Duterte ni Senator Christopher Go na sa ilalaan na pondo sa Bayanihan to Recover as One Act ay makinabang ang medical and health workers.

Tiniyak ni Go na pinapakinggan at ikinokonsidera ng gobyerno ang mga hinaing ng medical frontliners.

Kasabay nito, pinaalalahanan din ng senador ang mga opisyal ng gobyerno na tuparin ang kanilang mga pangako.

Nabanggit din ng namumuno sa Senate Committee on Health na pinag-aaralan niya na mabigyan ng tulong pinansiyal at mga karagdagang benepisyo ang mga private health worker na gumagamot o nag-aalaga sa COVID-19 patients.

Isa sa naiisip niyang dagdag benepisyo ay life insurance coverage.

Batid niya aniya na hindi lahat ng naibibigay sa government health workers ay nakukuha din ng mga nasa pribadong sektor.