Posted on

Aabot 1500 magniniyog sa lalawigan ng cotabato ang ang magiging benepisyaryo ng 6000 bags ng agricultural salt naipamahagi ng Office of the Provincial Agriculturist (OPAG), sa 15 bayan ng Probinsya.

Ayon kay Provincial Coconut Coordinator Rogaya S. Acoy, tatanggap ng tig aapat (4) na sako ng asin ang bawat benepisyaryo, ito ay nagmula sa mga bayan ng Midsayap, Antipas, Kidapawan, Magpet, Matalam, Pikit, Makilala, Carmen, Banisilan, Mlang, Tulunan, Aleosan, Alamada at Kabacan.

isinagawa kahapon ang ceremonial distribution na Dinaluhan ni Provincial Administrator, Efren Piñol.

sa kanyang mensahe, ” isa ang sektor ng agrikultura na importante sa liderato ni Governor Nancy Catamco, please share the knowledge para mabuligan pud ang iban”.

Malaking pasasalamat ng mga benepisyaryo na magniniyog, at silay umaasa na magpapatuloy ang ganitong programa, dahil malaking tulong ito para mapalago ang kanilang kita sa niyog.

Categories
Posted on

Pinaniniwalaang biktima ng “summary execution” ang natagpuang bangkay ng lalaki sa liblib na bahagi ng barangay Sikitan Kidapawan City kahapon.

Nabatid sa imbestigasyon ng City PNP nakarinig ng putok ng baril ang mga residente bago natagpuan ang bangkay na itinapon ng hindi pa kilalang suspek sa madilin na bahagi ng lugar.

Ang bangkay ay nagapos ang dalawang mga kamay at nakabalot ng masking tape ang bunganga nito.

Ayon kay City Chief of Police Lt. Col. Ramil Hojilla nagpapatuloy pa ang kanilang ginawang imbestigasyon at pangangalap ng  impormasyon.

Categories
Posted on

Kailangang magpa-swab test na may negatibong resulta ang lahat ng pasahero ng Cebu Pacific na patungo sa Davao City International Airport.

Sa inilabas na pahayag ng CebuPac, hindi papayagan ang mga pasahero na makatuloy sa kanilang biyahe kung resulta lang ng rapid test ang kanilang ipapakita.

Giit ng kumpaniya, ang regulasyon na ito ay itinakda ng mga lokal na awtoridad sa Davao Region.

Hinihikayat din ng CebuPac ang kanilang mga pasahero na alamin ang mga regulasyon ng mga lokal na pamahalaan na kanilang pupuntahan bago ituloy ang kanilang biyahe.

Bilin din sa mga pasahero na huwag pumunta sa airport kung hindi nakakatiyak sa kanilang flight schedule.

Categories
Posted on

Niyanig ng magnitude 3.7 na lindol ang lalawigan ng Davao Occidental

Ayon sa Phivolcs, naitala ang pagyanig sa 345 kilometers southeast ng bayan ng Sarangani, ala-1:44 hapon ng Huwebes (July 23).

May lalim na 32 kilometers at tectonic ang origin ng pagyanig.

Wala namang inaasahang pagkasira sa mga ari-arian, intensities at aftershocks.

Categories
Posted on

Patay ang isang lalaki na naka-quarantine sa loob ng Barangay Isolation Unit (BIU) matapos saksakin ng suspek na umanoy inagawan ng kasintahan ng biktima.

Naganap ang insidente sa Cabunuangan Central Elementary School, New Bataan DAVAO DE ORO  na ginawang BIU sa barangay Cabinuangan,  alas 12:30 nang hating gabi kamakalawa.

Nakilala ang biktima na si Aljay Villavicencio, 33, skilled worker taga New Bataan.

Ayon kay New Bataan Municipal Police Station Chief Captain Churchill Pablo B. Angog, Jr., wala nang buhay nang datnan nila ang biktima na naliligo sa sariling dugo dahil sa mga sugat sa ibat-ibang parte ng katawan.

SA ginawang follow-up investigation natukoy ang suspek na nakilalang si alyas Rey, 32, taga Compostela na boluntaryong sumuko sa Compostela Municipal Police Station.

Itinuring ni Angog, Jr. na isang “crime of passion” ang motibo sa krimen dahil nagawa ng suspek na patayin ang biktima matapos agawin sa kanyang ang kanyang nobya.

Nabatid na ipinasok sa BIU ang biktima bilang pagsunod sa ipinatutupad na 14 days quarantine protocol dahil bumiyahe ito sa Siargao.

Isinampa naman kahapon ng pulisya ang kakulang kaso laban sa suspek.

Categories
Posted on

Pabor si Mayor Eliordo Ogena na imbestigahan at panagutin ang mga lokal na mga opisyal ng lalawigan ng South Cotabato na diumano’y nakatanggap ng pera mula sa Kabus Padatoon investment scam noong kasagsagan ng 2018 elections.

Ayon kay Ogena, marami umanong opisyal ang nakinabang at nakatanggap ng pera na kinuha ni Kapa founder Joel Apolinario, lalo na ang ilang mga investors at umano’y protektor nito.

Aminado rin itong hindi niya pinakialaman ang Kapa dahil tinututokan niya ang kaniyang sariling agenda para sa lungsod.

Inamin din nito na pati ang kanyang asawa ay nag-invest ng P100,000 ngunit wala itong nakuhang anumang payout.

Naniniwala si Ogena na ang pagkakaaresto kay  Joel Apolinario, asawa nito at mga kasabwat sa Surigao del Sur ay mistulang nabigyan na ng hustisya ang mga nabiktimang investors.

Kahapon ang mga nadakip na mga suspek ay isinailalim na sa rapid test para malaman ang kagayan nito ukol sa corona virus o covid 19.

Categories
Posted on

Hindi pinag-uusapan sa mga pulong ng gabinete ng Pangulong Rodrigo Duterte o kahit sa bawat miyembro ng gabinete ang charter change.

Ito ang tiniyak ni Cabinet Secretary Karlo Nograles sa harap ng mga batikos laban sa pagsusulong ng charter change sa panahon ng COVID-19 pandemic.

Ang isyu naman anya ng pag-amyenda sa konstitusyon ay tungkulin ng kongreso.

Idinepensa rin ni Nograles ang Dept of Interior and Local Government (DILG) sa tila pagsusulong nito sa Cha-Cha sa harap ng pandemya.

Sinabi ni Nograles na ang rekomendasyon para sa cha-cha ay nagmula sa mahigit 1,000 alkalde at ginawa lamang ng DILG ang tungkulin nitong i-proseso ang kahilingan ng mga LGU’s dahil nasasakupan ito ng ahensya.

Categories
Posted on

Kinansela ng Professional Regulation Commission (PRC) ang mga nakatakdang licensure examinations sa buwan ng Setyembre.

Sa inilabas na pahayag, ang hakbang ay dahil sa mga ipinatutupad paghihigpit ng gobyerno dahil sa patuloy na pagtaas ng kaso at epekto ng Coronavirus Disease (COVID-19) sa bansa.

Ayon pa sa PRC, ito ay para masiguro na rin ang kaligtasan at mapahalagahan ang kalusugan ng PRC examinees, Professional Regulatory Boards (PRBs) at examination personnel.

Narito ang mga na kinanselang exams ng PRC:

  • Licensure Examination for Foresters (September 1 – 2, 2020)
  • Licensure Examination for Registered Electrical Engineers (September 4 – 5, 2020)
  • Licensure Examination for Registered Master Electricians (September 6, 2020)
  • Librarians Licensure Examination (September 8 – 9, 2020)
  • Licensure Examination for Respiratory Therapists (September 15 – 16, 2020)
  • Licensure Examination for Professional Teachers (September 27, 2020)
  • Agricultural and Biosystems Engineers Licensure Examination (September 29 – 30, 2020)

Sa taong 2021 na ire-reschedule ang mga nakanselang exam.

Sinabi pa ng PRC na antabayan ang kanilang mga susunod na anunsiyo kung kailangan ang magiging schedule ng mga apektadong licensure examinations sa kanilang website at social media accounts.

Maaari ring mag-email sa licensure.office@prc.gov.ph at licensure.division@prc.gov.ph.

Matatandaang kinansela rin ng ahensya ang mga nakatakdang licensure examinations noong nakaraang Marso at hanggang buwan ng Agosto dahil pa rin sa banta ng nakamamatay na COVID-19.

Categories
Posted on

Muling sinuspinde ng Inter-Agency Task Force (IATF) for the Management for Emerging Infectious Diseases ang non-essential travels o mga hindi importanteng biyahe palabas ng bansa.

Ayon kay Presidential Spokesperson Harry Roque, isang kumpanya lamang ang pumayag na magbigay ng travel at health insurance na isa sa mga requirements para makalabas ng bansa.

Nais ng gobyerno na matiyak na may sasagot sa gastusin ng pasahero sakaling magkaroon ng rebooking o kaya ay kailanganing dalhin sa ospital dahil sa COVID-19.

Hindi naman binanggit ni Roque ang pangalan ng health at insurance company.

Pero maaaring bumiyahe palabas ng bansa ang mga may kumpirmado ng bookings noon pang Hulyo 20.

Sinabi ni Roque na maghahanap pa ng maraming insurance companies na papayag sagutin ang gastos ng mga pasahero sakaling magkaroon ng aberya.

Categories
Posted on

Pinag-aaralan ng Inter-Agency Task Force (IATF) ang paggamit ng isa pang teknolohiya para sa mas mabilis na paglabas ng resulta ng coronavirus disease 2019 (COVID-19) test.

Tinukoy ni Cabinet Secretary at IATF co-chairman Karlo Nograles ang Antigen test technology.

Maaari anyang lumabas ang resulta ng COVID-19 test sa antigen sa loob lamang ng 30 minuto kayat mas mabilis na maaabot ng pamahalaan ang target na mahigit sa 30,000 COVID-19 tests araw-araw.

Naniniwala rin si Nograles na mas epektibo ang antigen kaysa sa rapid test na kasalukuyang ginagamit ngayon sa COVID-19 tests.

Kung sa rapid testing anya ay sinusuri ang antibodies bilang indikasyon lamang na positibo sa virus ang pasyente sa antigen ay isang bahagi ng COVID-19 virus ang nade-detect.

Categories