Posted on

Patay ang isang school principal matapos barilin ng hindi pa nakilalang suspek sa bayan ng Pikit Cotabato kahapon.

Kinilala ni Pikit Chief of Police Capt. Mautin Pangadigan ang biktima nasi abdulah mamasaunda husain 43 taga barangay Pobcion ug head teacher sa dagadas elementary school public.

Nabatid sa imbestigasyon pauwi na ang biktima mula sa public market sa kanilang bahay nang abangan ito at pinagbabaril ng hindi pa tinukoy na suspek.

Dahil sa tindi ng tama ng bala mula sa di tinukoy na uri ng baril nasawi ang biktima.

May kinalaman naman sa kanyang trabaho ang isa sa tinitingnan anggulo ng pulisya sa motibo ng krimen.

Categories
Posted on

Tatlong drug suspects ang napatay matapos umanong manlaban sa mga pulis sa magkakahiwalay na police operation sa lalawigan kahapon.

Unang nasawi, ang dalawang drug suspected personalities na sina Mutalib Bulod at Asty Guimalon, kapwa nakatira sa Sitio Gantong,Brgy.Manaulan,Pikit.

Bandang alas-2:00 ng madaling araw nang ilunsad ng pinagsanib pwersa ng pulisya at militar ang search warrant operation sa mga bahay ng mga suspek, subalit papalapit pa lamang umano ang mga otorisdad nang paputukan sila kaya gumanti ito.

Nakuha naman ng mga otoridad sa bahay ng mga napatay na dalawang suspek ang iba’t ibang uri ng mga armas pampasabog at higit apatnapung sachet ng pinaghihinalaang shabu na tinatayang aabot sa P41,000.

Samantala, napatay naman sa isinagawang buy-bust operation sa Barangay Poblacion, Matalam, North Cotabato pasado alas-7:00 kahapon ng umaga ang isa pang drug suspect na si Kristoffer Ian Lambramonte nang manlaban umano ito sa mga operatiba ng Regional Police Drug’s Enforcement Unit o RPDEU 12 .

sinasabing nahalata ng suspek na kasapi ng operating team ang kanyang nabentahan ng druga kung kaya bigla nitong binunot ang dala nitong.38 caliber revolver na nagbunsod sa mga nakaantabay na kapulisan upang gumanti.

Mariing itinaggi ng pamilya ang dalawang napatay  sa anti-drug operation ng pulisya kahapon ng madaling araw sa bayan ng pikit Cotabato na sangkot ang mga ito sa operasyon ng illegal drugs.

Ayon sa mga ito ang mga napatay na sina Mutalib Bulod alyas Thong at Asty Bulod alyas Mahid, kapwa taga Sitio Gantong, Barangay Manaulanan, Pikit, North Cotabato ay namumuhay ng maayos .

itinaggi rin ng mgan ito na nanlaban ang mga biktima sa mga pulis.

Kahapon ng madaling inilunsad ng pinagsanib pwersa ng Cotabato Police Provincial Office, Pikit Municipal Police Station ug Philippine Drug Enforcement Agency, at militar ang search warrant operation

Categories
Posted on

Umakyat na sa 33 ang kaso ng covid 19 sa lalawigan ng Cotabato matapos naitala kahapon ang dalawang bagong kaso.

Ayon kay Cotabato AITF incident commander BM philbert Malaluan, ang isa sa biktima ay isang  biktima ay Returning Overseas Filipino (ROF) na dumating sa Davao City noong July 1, 2020 inidorso ng Provincial Government sa Mlang LGU at inilagay sa LGU Quarantine Facility para masunod ang 14 days quarantine health protocols.

subalit noong July 10 nagdevelop ng sore throat kung kaya kinunan ngswab samples at nagpositibo noong july 18 subalit kahapon lamang inilabas ng DOH ang resulta.

Samantala, ang isa pang kaso ng covid 19 ay isang  40 anyos na babae na taga Pigcawayan.

Ang biktima ang pang walong kaso na ngayonsa bayan ng PIgcawayan ay may sakit sa kidney at regular na sumasailalim sa dialysis sessions sa Cotabato Regional Medical Center (CRMC)- Cotabato City.

Samantala, patuloy naman ang limitadong pagtanggap ng pasyente ng CRMC dahil 102 sa kanilang mga employees ay sumasailalim sa quarantine dahil sa manpower shortage pawang mga emergency at critical cases lamang ang kanilang tinatanggap.

Categories
Posted on

Dapat nang maglagay ng barrier sa motorsiklo sa pagitan ng driver at ng kanyang angkas

Dapat nang maglagay ng barrier sa motorsiklo sa pagitan ng driver at ng kanyang angkas dahil sa susunod na linggo ang mahigpit na itong ipatupad ng Kidapawan City PNP.

Ayon kay City PNP Chief Police Lt Col. Ramel Hojilla, Natanggap na nila ang direktiba mula sa higher headquarters.

Pero nilinaw ni Hojilla na hindi na kailangan pa ng barrier ang para sa mga mag-asawa o kapamilya na nagsasama sa loob ng isang bahay at kailangan lamang nilang magpresentan ng dokumento bilang patunay.

Matatandaan ini-utos ng Department of Interior and Local Government o DILG paglagay ng barrier sa motorsiklo bilang preventive measure pero binigyan lamang ng konsiderasyon ang mga nasa farflung areas na walang ibang masakyan.

Categories
Posted on

Inaprubahan ng SOCCSKSARGEN Regional Inter-Agency Task Force ang pagsasailalim sa LOCKDOWN sa ilang mga lugar sa lugar sa Cotabato Province

Sa facebook ni Cotabato IATF incident commander BM Philbert Malaluan, Sa naganap na Virtual Meeting kahapon kabilang sa mga lugar na isailalim sa 14 days lockdown ang Purok 7A, Brgy. Malatab sa bayan ng ANTIPAS.

Sa bayan ng CARMEN ang ilang bahagi ng Purok 7 Brgy. Poblacion, Sitio Gaunan, Sitio Maguling, ilang parte ng Sayre Highway, Brgy. Manarapan;

Hindi naman napasama dito ang bayan ng Pigcawayan na unang naghayag ng pagbabalik sa Enhanced Community Quarantine (ECQ) mula sa kasalukuyang Modified General Community Quarantine (MGCQ) ng buong bayan.

Ang rekomendasyon ng mga opisyal ng bayan ng Pigcawayan sa pangunguna ni Mayor Jean Roquero, pulisya, mga health workers at ibat-ibang sektor ng lokal na pamahalaan ay dahil sa patuloy na paglobo ng bilang ng mga nagpositibo sa Coronavirus Disease (Covid-19).

Ang rekomendasyon ng LGU-Pigcawayan ay isinumite na sa Provincial Inter-Agency Task Force on Covid 19 at kay Cotabato Governor Nancy Catamco.

Kamakalawa naunang ipinatupad ang modified lockdown sa barangay Bulucaon dahil sa tatlong kaso ng Covid-19 positive.

Sinabi ni Barangay chairperson Mark John Montales na kailangan itong gawin upang maiwasan ang pagkalat ng sakit.

Sa ngayon ay hinihintay na lamang ng LGU-Pigcawayan ang tugon ng Provincial IATF sa kanilang kahilingan.

Categories
Posted on

May bago nanamang kaso ng covid 19 ang bayan ng Antipas Cotabato na naitala kahapon ng Center for Health and Development ng Department of Health 12

May bago nanamang kaso ng covid 19 ang bayan ng Antipas Cotabato na naitala kahapon ng Center for Health and Development ng Department of Health 12.

Ayon naman kay Cotabato IATF spokesperson BM Philbert Malaluan, ang biktima ay isang 33-year old na babae na isang Locally Stranded Individual namay travel history sa Manila.

Ang biktima ay inirefer ng Antipas Municipal Health Office sa Cotabato Regional Medical Center- Cotabato City dahil sa non-COVID related reasons.

Bilang bahagi ng CRMC hospital protocol, kinunan ng swab sample ang biktima at lumabas sa resulta na  positive ito sa covid 19.

Ang biktima ay pang 31 kaso ng covid `19 sa lalawigan  ng Cotabato matapos naitala kamakalawa ang anim na bagong kaso na mga naisugod sa CRMC dahil sa mga non-COVID reasons.

Naniniwala ang IATF Cotabato na sa nahawaan ang mga biktima ng Covid sa hospital.

Categories
Posted on

15 anyos na dalagita ginahasa ng barangay peace keeping action team o BPAT member habang nasa quarantine facility sa bayan ng antipas Cotabato

Nakakulong na ang 35 anyos na miyembro ng Barangay Peacekeeping Action Team (BPAT) na nagsilbing frontliner na inakusahang gumahasa sa isang 15-anyos na dalagita sa loob ng isolation facility sa Brgy. Dolores, Antipas,.

Samantala, agad na inilipat ng Antipas Municipal Social Welfare and Development Office o MSWDO sa municipal quarantine facility ang biktima sa Brgy. Poblacion.

Nabatid ng Women child protection Desk ng Antipas PNP na Hulyo 12 nang mangyari ang panghahalay sa naka-quarantine na dalagita matapos na makipag-inuman sa nasabing suspek doon mismo sa isolation facility.

Sumunod na araw nang makatanggap ng text ang naturang biktima na nais ng BPAT member na maulit muli ang nangyari sa kanila noong gabi ng July 12, dahilan para magsumbong ang dalagita sa kanyang mga kaibigan.

Ayon sa ulat, hindi na umano nakapalag pa ang biktima dahil nakita nito ang kutsilyo sa gilid ng suspek na lasing nang ginawa ang panghahalay.

Kaugnay nito, nagsasagawa ng imbestigasyon ang Municipal Inter-Agency Task Force sa naturang insidente.

Categories
Posted on

Pumalo pa lamang sa 27 percent ang bilang ng mga estudyante na nagpa-enroll sa mga pribadong eskwelahan ngayong taon

Sa pulong ng Inter-Agency Task Force on Emerging Infectious Disease, iniulat ni Education Secretary Leonor Briones kay Pangulong Rodrigo Duterte na kaunti na lamang ang mag aaral ngayon sa mga pribadong eskwelahan dahil hindi na makayanan ng mga magulang na bayaran ang tuition fee dahil nawalan ng trabaho.

Lumipat na aniya ang mga estudyante sa mga pampublikong paaralan.

Nasa 347,860 lamang aniya ang nagpa-enroll ngayon sa mga pribadong eskwelahan.

Categories
Posted on

Uusad na sa Agosto ang clinical trials para sa Lagundi bilang supplemental treatment sa coronavirus disease 2019 (COVID-19)

Ayon kay Secretary Fortunato Dela Peña ng Department of Science and Technology (DOST), inaantay na lamang nila ang clearance mula sa Food and Drug Administration (FDA).

Layon anya ng clinical trials na subukan kung makakatulong ang lagundi na magamot ang mga sintomas ng COVID-19 tulad ng pag-ubo, lagnat at sore throat.

Sa kasalukuyan ay ginagamit nang gamot sa ubo ang lagundi.

Sinabi ni Dela Peña na plano rin nilang pag-aralan ang Tawa-Tawa bilang supplemental treatment sa COVID-19 subalit kailangan pa nilang kumuha ng approval mula sa University of the Philippines Research Ethics Board.

Categories
Posted on

Maaring gamiting gamot sa coronavirus disease 2019 (COVID-19) ang virgin coconut oil (VCO)

Positibo ang resulta ng paunang pag-aaral kung maaring gamiting gamot sa coronavirus disease 2019 (COVID-19) ang virgin coconut oil (VCO).

Ayon kay Dr. Jose Mondejar, medical director ng Equilibrium Integrative Health Clinic, sa 69 na pasyente ng COVID-19 sa Cebu na nabigyan ng VCO, 45 dito ang nagnegatibo na sa COVID-19 sa loob lang ng dalawang lingo, samantalang ang 24 ay hindi na nagkaroon ng matinding sintomas.

Sampung (10) tauhan naman ng Cebu Provincial Detention Center na may COVID-19 ang mabilis na nagnegatibo sa loob lang ng lima hanggang pitong araw matapos mabigyan ng VCO.

Sa ngayon anya ay hinihintay pa nila ang resulta ng pag-aaral na ginagawa naman ng Philippine General Hospital (PGH) at mga researchers sa Sta. Rosa, Laguna.

Iminungkahi ni Mondejar na palawakin pa ang pag-aaral dahil maliit na samples lamang ang nabigyan nila ng VCO sa Cebu City.

Categories