Patuloy ang pinaigting na kampanya ng pulisya laban sa pagsugpo ng ilegal na droga sa PPALMA area.

Ito ay nagresulta sa pagkakahuli sa apat na indibidwal mula sa iba’t ibang bayan sa PPALMA nitong sabado, Agosto 15, 2020 matapos silang mapatunayang sangkot sa pagtutulak ng droga.

Unang hinuli ang isang alias Jong Jong, nasa hustong gulang, may asawa, isang laborer at residente ng barangay Gumaga, Libungan, Cotabato.

Nakuha sa posisyon ng suspek ang isang pakete ng pinaghihinalaang shabu at 500 marked money.

Sa bayan ng Midsayap, arestado ang isang tagagawa ng postiso matapos itong mahulihan ng dalawang pakete ng pinaghihinalaang shabu, 500 pisong marked money, isang kalibre 38 pistola at apat na bala ng nasabing baril.

Ilang oras ang lumpias, isang kilalang personalidad sa LGBT community sa bayan ng Midsayap ang natimbog matapos mapagbentahan nito ang isang poseur buyer.

Ang suspek ay nakilalang si Steve Epanto, presidente ng LGBT group sa bayan, 43 taong gulang at residente ng barangay Poblcion 1, Midsayap, Cotabato.

Nakuha sa posiayon ni Epanto ang dalawang pakete na naglalaman ng mga butil ng pinaghihinalaang shabu at 500 pisong marked money.

Samantala, sa bayan naman ng Aleosan, isang bading din na taga Midsayap ang naaresto sa sirio Taguan, barangay San Mateo sa nasabing bayan dahil sa pagbebenta umano ng shabu.

Nakilala ang arestado na si Edgar Padilla Macabio, 47 taong gulang, isang beautician at residente ng barangay Poblacion 4, Midsayap, Cotabato.

Nasamsam kay Macabio ang isang pakete ng pinaghihinalaang shabu at 500 marked money.

Ito na ang pangalawang beses na nahuli sina Epanto at Macabio dahil sa droga.

Ang mga nahuli ay nakapiit sa mga custodial facilities ng mga nabanggit na bayan at ngayong araw ng lunes, Agosto 17 ay nakatakdang sasampahan ng kasong paglabag sa Republic Act 9165 o mas kilala bilang Comprehensive Dangerous Drugs Act of 2002.